लॉकडाउनच्या निर्बंधामुळे रिक्षा व्यावसायिक संतप्त; साताऱ्यात सरकारविरोधात तीव्र आंदोलन

सातारा : कोरोना व लॉकडाउनमुळे रिक्षा व्यावसायिक अडचणीत असून केंद्र व राज्य सरकारने या अडचणीत भर घालणारे धोरण अवलंबले आहे. या धोरणाचा पुनर्विचार करण्याच्या मागणीसाठी आज अखिल महाराष्ट्र कामगार, कर्मचारी संघाच्या वतीने रिक्षाचालकांनी जिल्हाधिकारी कार्यालयासमोर आंदोलन केले.
 
याबाबतच्या निवेदनाच्या प्रती आंदोलक रिक्षाचालकांनी केंद्रीय परिवहनमंत्री नितीन गडकरी आणि जिल्हाधिकारी कार्यालयास दिल्या आहेत. या निवेदनात रिक्षाच्या नोंदणी शुल्कात वाढ न करण्याची, नोंदणी तसेच फिटनेस शुल्काची आकारणी पूर्वीच्या पध्दतीने करण्याची, नोंदणीस विलंब झाल्यास प्रतिदिन आकारण्यात येणारा 50 रुपयांचा दंड मागे घेण्याची, रिक्षांसाठी स्वतंत्र विमा गट करण्याची मागणी करण्यात आली आहे. 

ऐतिहासिक अजिंक्यतारा किल्ल्यावर शिवसृष्टी उभारणार; आमदार शिवेंद्रसिंहराजेंचा निर्धार

लॉकडाउन व त्यानंतरच्या काळातील निर्बंधामुळे रिक्षा व्यवसाय अडचणीत आला असून हा व्यवसाय करणारे सर्वच सर्वसामान्य घरातील आहेत. मध्यंतरीच्या काळातील निर्बंधामुळे अनेकांचे बॅंक हप्ते थकले असून त्याचा विचार करण्याची मागणीही निवेदनात करण्यात आली आहे. या आंदोलनात संघटनेचे जिल्हाध्यक्ष चंद्रकांत खंडाईत, शशिकांत खरात, गणेश भिसे, संदीप कांबळे तसेच इतर रिक्षाचालक सहभागी झाले होते. 

चिंताजनक! साताऱ्यात आठवडाभरात बाधितांचा आकडा 2 हजार पार; जिल्ह्यात 15 जणांचा मृत्यू

आमच्या बंधूराजांना उदंड आयुष्य लाभो; उदयनराजेंचं दिसून आलं बंधूप्रेम, शिवेंद्रसिंहराजेंसोबतचा खास फोटो शेअर

संपादन : बाळकृष्ण मधाळे