काश्‍मीरात आतंकवाद्यांना घातले कंठस्नान, शौर्य पदकाने जवान ससाणेंचा सन्मान

वाई (जि. सातारा) : कवठे (ता. वाई) येथील जवान गौरव हरिभाऊ ससाणे यांना फौजी ब्रदर्स ग्रुपतर्फे शौर्य पुरस्काराने सन्मानित करण्यात आले. 

जम्मू-काश्‍मीर येथे सीमेवर कर्तव्य बजावताना जवान ससाणे यांनी दोन आतंकवादी यांना कंठस्नान घालून पराक्रमाची शर्थ गाजवली. या वेळी झालेल्या चकमकीत ते जखमी झाले. या शौर्याबद्दल त्यांना फौजी ब्रदर्स ग्रुपच्या वतीने शौर्य पुरस्काराने गौरविण्यात आले. यावेळी त्यांच्या परिवारालाही सन्मानित करण्यात आले. 

शाब्बास! गवंड्याच्या पोरीची सुवर्णपदकाला गवसणी; कर्नाटक राज्यात साताऱ्याची सोनाली प्रथम

माजी सैनिक आनंदराव पवार (कॅप्टन), माजी सैनिक बजरंग सावंत (कॅप्टन), नौसैनिक विश्वास कुलकर्णी यांच्या हस्ते ससाणे यांना हा पुरस्कार प्रदान करण्यात आला. त्यांच्या आई-वडिलांना ग्रुपचे संस्थापक अध्यक्ष केतनभाऊ करंजे, तुषार जायगुडे, विकी मांढरे आणि प्रसाद सुळके यांच्या हस्ते सन्मानित करण्यात आले. या सोहळ्यास जिल्ह्यातील आजी- माजी सैनिकांसह फौजी ब्रदर्सचे सदस्य उपस्थित होते. 

संपादन : बाळकृष्ण मधाळे