भिलार (जि. सातारा) : महू धरणाजवळ वळणावर एसटी आणि दुचाकीच्या झालेल्या अपघातात दुचाकीस्वार गंभीर जखमी झाला. धरणाच्या बाजूला कठड्यावर बस गेल्याने प्रवासी बचावले.
हा अपघात रविवारी सायंकाळी सहा वाजता झाला. पाचवड-पाचगणी बस पाचगणीकडे जात होती. महू धरणावर वळणावर पाचगणीहून येणाऱ्या दुचाकीने बसला धडक दिली. बस चालकाने प्रसंगावधान राखून दुचाकीला वाचवताना गाडी धरणाच्या बाजूला कठड्यावर धडकावली. त्यातील एक कठडा तुटून खाली पडला.
परंतु, दुसऱ्या कठड्याने गाडी तारून ठेवली, अन्यथा अनर्थ घडला असता. या बसमध्ये 18 ते 20 प्रवासी होते. त्यातील कुणालाही दुखापत झाली नाही. दुचाकीस्वार गंभीर जखमी झाला आहे. ग्रामस्थांनी त्याला तातडीने दवाखान्यात दाखल केले आहे. महू व दापवडीचे पोलिस पाटील घटनास्थळी दाखल झाले होते.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.