कऱ्हाड (जि. सातारा) : येथील मंगळवार पेठेतील पालकर वाडा परिसरात दोन दिवसांपासून वानरांच्या कळपाने उच्छाद घातला आहे. त्यातील एका वानराने आज एका दीड वर्षाच्या मुलीवर धाव घेतली. वानराची नखे लागल्याने ती जखमी झाली. वानराने त्या मुलीला चावा घेण्याचाही प्रयत्न केला. नागरिकांनी हटकल्याने वानर पळून गेले. वन विभागाचे काही कर्मचारी या पेठेत दाखल झाले होते. बराच वेळ शोध घेतला. मात्र, वानर नक्की कोठे गेले ते समजले नाही.
येथील मंगळवार पेठेतील काही भागांत दोन दिवसांपासून वानराच्या कळपाने उच्छाद घातला आहे. अनेकांच्या घरातील खाद्यपदार्थांवर वानरे ताव मारत आहेत. वाळत घातलेले खाद्यपदार्थ पळवून नेत आहे. खाद्यपदार्थ्याच्या आमिषाने वानर घरातही शिरून नागरिकांच्या अंगावर जाण्याचा प्रकार घडत आहे. येथील सूर्यवंशी यांच्या घरासमोरही असाचा प्रकार झाला. पालकर वाडा, पालकर बोळ व शिंदे यांच्या घरासमोरही वानरांची टोळी उच्छाद घालत आहे.
पालकर वाडा परिसरात बाहेर अंगणात खेळणाऱ्या दीड वर्षाच्या मुलीच्या अंगावर वानर आज धावून आले. दुपारी दोनच्या सुमारास प्रकार घडला. प्रसंगावधान राखून तेथे असलेल्या नागरिकांनी त्या वानरास हटकल्याने ते तेथून पळाले. मात्र, त्याचे नख लागल्याने लहान मुलगी किरकोळ जखमी आहे. पर्यावरण अभ्यासक रोहन भाटे व वन विभागालाही नागरिकांनी कळवले. वन विभागाचे अधिकारी, कर्मचारी तेथे आले. मात्र, तोपर्यंत ते वानर निघून गेले होते. दुपारी दोन तास शोध घेण्यात आला. मात्र, वानर काही सापडले नाही.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.