तळमावले (जि.सातारा) ः महाराष्ट्र शासन संचलित राष्ट्रीय आरोग्य अभियांनातर्गत 108 ही रुग्णवाहिका वेळेवर येत नाही, चालक टंगळमंगळ करतात, अशा एक ना अनेक तक्रारी केल्या जातात; पण याला छेद देऊन प्रामाणिकपणे व वेळेचे बंधन पाळून आपली तत्पर सेवा देत शिशिर ताईगडे या युवकाने आजवर शेकडो अत्यावस्थ, अपघातग्रस्त रुग्णांना मुंबई, कांजूरमार्ग, कळवा या ठिकाणी सेवा दिली आहे. कित्येक गरोदर मातांना इच्छितस्थळी सुखरूप पोचवले आहे. आता तर शिशिर हा गेले चार महिने कोरोनाग्रस्त रुग्णांना अत्यावश्‍यक सेवा निर्भीडपणे देत आहे.
कोरोनाग्रस्ताचा दुर्दैवी मृत्यू झाला तर बऱ्याचवेळा रुग्णवाहिका चालक या रुग्णाला नेताना भीती बाळगतात वा नेण्यासही टाळतात. अशा घटना आपण पहिल्या आहेत. पण, निर्भीड आणि रुग्णसेवेची जाण ठेवून शिशिर आपले कर्तव्य बजावतो आहे. शिशिर हा मूळचा ताईगडेवाडी (तळमावले) येथील रहिवासी आहे. शिशिरचे सध्या सुरू असलेले काम पाहून सर्वत्र त्यांचे अभिनंदन होत आहे. आशा कोरोना योद्‌ध्याला आमचा कायम पाठिंबा असेल, असे लोक अभिमानाने सांगत आहेत.
शिशिर हा रुग्णवाहिका चालक म्हणून जे काम करत आहे, त्याचा अभिमान आहे. कोरोनाच्या संकटावेळी प्रामाणिक काम करून सेवा बजावत असल्यामुळे त्याला शुभेच्छा, अशी प्रतिक्रिया तळमावल्याचे उपसरपंच अंकुश आतकरी यांनी व्यक्त केली आहे.
राष्ट्रवादीतर्फे दहा जूनला रक्तदान शिबिर; युवकांना नोकरीसाठी नोंदणीचे आवाहन
एक अंगावर येणारा अनुभव
सातारकरांनाे काेणत्या भागात पाणी येणार नाही. कधी येणार नाही. सविस्तर वाचा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.