कोयनानगर (सातारा) : कोयना विभागातील नवजा या गावातील सीमा रवींद्र जाधव (३५) या विवाहितेने दारूडया नवऱ्याच्या त्रासाला कंटाळून स्वताला राहत्या घरी अंगावर रॉकेल ओतून पेटवून घेतले आहे. यात तिचा दुर्दैवी म्रुत्यु झाला आहे. मृत विवाहितेच्या अंत्यसंस्कारावेळी मुलीच्या आईने व माहेरच्या लोकांनी मृत विवाहतेच्या नवऱ्याला मारहाण करून या प्रकरणी आपल्या मुलीला तिच्या दारूडया नवऱ्याने आत्महत्येस प्रवृत्त केले असल्याची तक्रार कोयना पोलीसांत दाखल केल्यामुळे या प्रकरणी कोयना पोलीसांनी मयत विवाहितेच्या नवऱ्याला अटक केली आहे. मृत विवाहिता सीमा हिच्यावर पोलीस बंदोबस्तात अंत्यसंस्कार पार पडले आहेत.
याबाबत कोयना पोलीसांनी दिलेली माहिती अशी की रवींद्र भागुजी जाधव (४२) हा आपली आई दोन लहान मुले व बायकोसह नवजा या गावी राहतो. दहा वर्षापासून रवींद्र जाधव आपली पत्नी सीमा हिला आईकडून दारूसाठी पैसे आण म्हणून वारंवार मारहाण शिवीगाळ करत होता.३१ ऑक्टो रोजी कोयनानगर येथे मृत सीमा हिच्याकडे दारू साठी पैशाची मागणी केली.मृत सीमाने याबाबत असमर्थता दर्शवल्याने पती रवींद्र जाधव ने तिला जबरदस्त मारहाण केली होती. यावेळी मृत सीमा हिच्या आई समोर ही मारहाण करण्यात आली होती.
१ सप्टें रोजी सकाळी १० वाजता सीमा जाधव हि स्वयपाक करताना चुलीत होरपळली असल्याचा फोन जावई रवींद्र जाधव याने सीमाची आई संगीता उत्तम कांबळे यांना केला. अत्यवस्थ असणारी सीमा उपचार सुरू असताना मरण पावली आहे. या मृत्यूला सीमाचा दारुडा नवरा हा जबाबदार असल्याचा आरोप मृत सीमा हिची आई संगीता उत्तम कांबळे यांनी केला आहे.
नवजा या गावी आज मृत सीमा हिच्यावरअंत्यसंस्कार झाले आहेत. या वेळी मृत सीमाच्या माहेरच्या नातेवाईकांनी मृत सीमाच्या नवऱ्याला चोप दिला.यामुळे मृत सीमा हिच्यावर पोलीस बंदोबस्तात अंत्यसंस्कार पार पडले आहेत. तपास सपोनी. चंद्रकांत माळी हे करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
