सातारा - खासदार शरद पवार यांनी त्यांच्या काळात कामे केली नाहीत. त्यामुळे त्यांचे आता पश्चिम महाराष्ट्रातील दौरे वाढले असून, त्यांनी मराठा समाजाच्या भवितव्याकडे दुर्लक्ष केले, अशी टीका खासदार उदयनराजे भोसले यांनी केली.
मागील वेळी शिवेंद्रसिंहराजेंचे मताधिक्य कमी झाले; पण यावेळी त्यांना आम्ही राज्यात क्रमांक एकच्या मताधिक्क्याने निवडून आणणार असे सांगतानाच राज्यात महायुती पुन्हा सत्तेत येईल, असा ठाम विश्वास त्यांनी व्यक्त केला. सातारा- जावळीतील महायुतीच्या प्रमुख कार्यकर्त्यांच्या बैठकीनंतर उदयनराजे यांच्याशी पत्रकारांनी संवाद साधला.