सातारा : राष्ट्रवादी काँग्रेसच्या (NCP) सातारा-जावळी विधानसभा मतदारसंघाच्या (Satara-Jawali Assembly constituency) अध्यक्षपदी परळी खोऱ्यातील युवक नेते शशिकांत वाईकर (Shashikant Waikar) यांची निवड करण्यात आली आहे. उपमुख्यमंत्री आणि राष्ट्रवादीचे नेते अजित पवार (Ajit Pawar) यांनी या निवडीची घोषणा गुरुवारी मुंबईमध्ये केली.
शशिकांत वाईकर यांनी चारच दिवसांपूर्वी आमदार शिवेंद्रसिंहराजे भोसले यांची साथ सोडून राष्ट्रवादी काँग्रेसचे घड्याळ हाती बांधले आहे.
राष्ट्रवादी काँग्रेसमध्ये प्रवेश केल्यानंतर शशिकांत वाईकर यांनी प्रथमच अजित पवार यांची भेट घेतली आणि त्यांना सर्व माहिती दिली. या वेळी अजित पवार यांनी त्यांचे स्वागत केले आणि सातारा-जावळी विधानसभा मतदारसंघात गावोगावी राष्ट्रवादीचा झेंडा फडकवा, अशा सूचनाही त्यांनी केल्या. या वेळी जिल्ह्यातील राष्ट्रवादी काँग्रेसचे प्रमुख नेतेमंडळी उपस्थित होती.
दरम्यान, शशिकांत वाईकर यांनी चारच दिवसांपूर्वी आमदार शिवेंद्रसिंहराजे भोसले (MLA Shivendrasinharaje Bhosale) यांची साथ सोडून राष्ट्रवादी काँग्रेसचे घड्याळ हाती बांधले आहे. त्यांच्या पक्ष प्रवेशाचा कार्यक्रम परळी येथे मोठ्या दिमाखात झाला होता. या वेळी आमदार शशिकांत शिंदे, जिल्हा परिषद सदस्य दीपक पवार, राष्ट्रवादीचे जिल्हाध्यक्ष सुनील माने, राष्ट्रवादी युवकचे जिल्हाध्यक्ष तेजस शिंदे, तसेच राष्ट्रवादीच्या प्रमुख नेत्यांची उपस्थिती होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
