गोवा लॉकडाउन झालेय! तुम्हीही साता-यात आहात, त्यांना जागे करा

सातारा : कोरोनाचा (coronavirus) संसर्ग वाढत आहे. दररोज दोन हजारांपेक्षा जास्त रुग्णवाढ सातारा शहरात होत आहे. जिल्हा रुग्णालय, जंम्बो कोव्हीड सेंटर यासह सर्व शासकीय आणि खाजगी रुग्णालये फुल्ल झाली आहेत. रुग्णालयांच्या बाहेर रुग्णांच्या रांगा पहायला मिळत आहेत. अशी भयानक परिस्थिती असताना सातारा पालिकेकडून (Satara Muncipal Council) नागरिकांसाठी कोणतीही सुविधा दिली जात नाही. कोरोनाचा कहर सुरु असताना सातारा पालिका सुस्त का बसून आहे, असा प्रश्न आमदार शिवेंद्रसिंहराजे भोसले (Shivendraraje Bhosale) यांनी केला आहे. सातारकरांसाठी किमान आयसोलेशन वॉर्ड तरी पालिकेने सुरु करावा असेही त्यांनी म्हटले आहे. (shivendraraje udayanraje goa lockdown satara marathi news)

दरम्यान खासदार उदयनराजे भोसले यांनी जिल्हाधिकारी कार्यालयात जाऊन कोरोना संदर्भात बैठक घेतली. आता गोवा राज्यातही लॉकडाऊन लागू करण्यात आला आहे. खासदार उदयनराजे सुद्धा साताऱ्यात आहेत हे प्रसारमाध्यमातून आलेल्या बातम्यांमुळे समजले. आता खासदार उदयनराजेंनीच या प्रश्नात लक्ष घालावे अशी विनंती आमदार शिवेंद्रसिंहराजे यांनी केली असून तुमच्याशिवाय पालिका प्रशासन आणि नगरसेवक हलणार नाहीत. त्यामुळे तुम्हीच आता काहीतरी करा आणि सातारकरांसाठी पालिकेमार्फत एखादी तरी सुविधा उपलब्ध करून द्या, अशी विनंती आमदार शिवेंद्रसिंहराजेंनी खासदार उदयनराजेंना केली आहे.

सविस्तर वृत्त लवकरच

सातारा जिल्ह्यातील बातम्या वाचण्यासाठी क्लिक करा