सातारा : शहरासह ग्रामीण भागात कोविड लशीचा तुटवडा

सातारा : कोरोनाचा संसर्ग रोखण्यासाठी शासनाने कोविडची दोन प्रकारची लस उपलब्ध केली आहे. त्यामध्ये कोव्हिशिल्ड आणि कोव्हॅक्‍सिनचा समावेश आहे. जिल्हा प्रशासनाने लशीचे तब्बल पावणेपाच लाख डोसची मागणी शासनाकडे केली होती. प्रत्यक्षात जिल्ह्याला एक लाख 84 हजार डोस उपलब्ध झालेत. त्यामुळे ग्रामीण आरोग्य केंद्रात लशीचा तुटवडा जाणवू लागला आहे. येत्या दाेन दिवसांत शासनाकडून लस उपलब्ध हाेईल अशी माहिती आराेग्य विभागातून देण्यात आली. 
 
जिल्ह्यात कोरोनाचा संसर्ग पुन्हा वाढू लागला आहे. दररोज कमी- जास्त प्रमाणात बाधित आढळू लागल्याने जिल्हा प्रशासनाने कोविड लसीकरणावर व चाचण्यांवर विशेष भर दिला आहे. शासकीय रुग्णालये व प्राथमिक आरोग्य केंद्रात ही लस मोफत मिळत आहे. त्यासाठी ऑनलाइन नोंदणी किंवा प्रत्यक्ष लसीकरणाच्या ठिकाणी आधार कार्ड दाखवून 60 वर्षांपुढील ज्येष्ठांना मोफत लसीकरण केले जात आहे. इतर आजार असलेल्या 45 वर्षांवरील सर्वांना लस दिली जात आहे. क्रांतिसिंह नाना पाटील सर्वसाधारण रुग्णालय, कऱ्हाड उपजिल्हा रुग्णालय, तसेच प्राथमिक आरोग्य केंद्रातही लस उपलब्ध आहे. त्यामध्ये कोव्हिशिल्ड, कोव्हॅक्‍सिन अशा दोन लशींचा समावेश आहे.
 
जिल्हा प्रशासनाने शासनाकडे पावणेपाच लाख डोसची मागणी केली होती. त्यापैकी आतापर्यंत केवळ एक लाख 84 हजार डोसच उपलब्ध झालेत. पुरेशी लस उपलब्ध नसल्याने अनेकदा नागरिकांना लसीकरण केंद्राच्या ठिकाणी जाऊनही लस मिळत नाही. लशीचा तुटवडा जाणवू लागल्याने अनेकांचे हेलपाटे होत आहेत. त्यामुळे ज्येष्ठ नागरिकांना त्याचा त्रास होत आहे.
 
उर्वरित लस ही लवकरच उपलब्ध होणार असल्याचे आरोग्य विभागाच्या अधिकाऱ्यांकडून सांगितले जात आहे. किती प्रमाणात उपलब्ध होणार याचा आकडा मात्र, प्रत्यक्ष लशीचे डोस उपलब्ध झाल्यावरच समजणार आहे. त्यामुळे ज्यांनी नोंदणी केलेली आहे. त्यांना आपल्याला केंद्रावर गेल्यावर लस मिळणार का, असा प्रश्‍न उपस्थित होऊ लागला आहे. किमान मागणी केलेली लस तरी वेळेत उपलब्ध करावी, अशी अपेक्षा आरोग्य विभागाकडून व्यक्त होत आहे. 

कऱ्हाडच्या नगराध्यक्षा रोहिणी शिंदे पळपुट्या; सभापती स्मिता हुलवानांचे टीकास्त्र

रासपचे संस्थापक, माजी मंत्री महादेव जानकर यांना मातृशोक

माणमधील गावागावांत कोरोनाचा शिरकाव; तालुक्‍यात 96 पैकी 46 गावांमध्ये बाधित

Edited By : Siddharth Latkar