गुरुवारी पहाटे साडेचारच्या सुमारास कार बरड गावच्या हद्दीत आली असता पंढरपूरच्या दिशेने वेगाने निघालेल्या कंटेनरने (एमएच ४६ सीएल ९६५१) कारला जोरदार धडक दिली. या अपघातामध्ये कारचा अक्षरशः चक्काचूर झाला.
दुधेबावी : आळंदी-पंढरपूर पालखी महामार्गावर (Alandi-Pandharpur Palkhi Highway) बरड (ता. फलटण) येथील बागेवाडी पेट्रोल पंपाजवळ कंटेनरच्या धडकेत कारमधील तीन जण ठार झाले. सागर रामचंद्र चौरे (वय ३४, रा. पाडेगाव, ता. खंडाळा), भाऊसाहेब आप्पा जमदाडे (वय ४५, रा. खेड बुद्रुक, ता. खंडाळा), नीलेश चंद्रकांत शिर्के (वय ४०, रा. वेटणे, ता. खटाव. मूळ रा. खटाव, ता. खटाव) अशी मृतांची नावे आहेत. काल पहाटे साडेचारच्या सुमारास हा अपघात झाला.