ओमिक्रॉन संसर्गाचा धोका लक्षात घेऊन प्रशासन 15 ते 18 वयोगटाचं लसीकरण सुरू करणार आहे.
सातारा : जिल्ह्यात तीन जानेवारीपासून 15 ते 18 वयोगटातील मुलांना कोरोना (Coronavirus) प्रतिबंधक लसीकरणाचा कार्यक्रम राबविण्यात येणार आहे. ही लस सर्व प्राथमिक आरोग्य केंद्रे (Primary Health Center), ग्रामीण रुग्णालये (Rural Hospital), उपजिल्हा रुग्णालये, जिल्हा रुग्णालय या ठिकाणी सोमवार व शुक्रवार या दोन दिवशी ऑनलाइन पद्धतीनुसार लसीकरण होणार आहे.
कोरोनाबरोबर ओमिक्रॉन (Omicron Virus) या संसर्गाचा धोका लक्षात घेऊन प्रशासन 15 ते 18 वयोगटाचे लसीकरण सुरू करणार आहे. या संदर्भात आज येथे शासकीय अधिकाऱ्यांच्या बैठकीत नियोजन करण्यात आले. ओमिक्रॉन संसर्गाबाबत नागरिकांनी घाबरून न जाता शासनाने व प्रशासनाने दिलेल्या सूचनांचे पालन करावे. घराच्या बाहेर पडताना प्रत्येक नागरिकाने मास्कचा वापर, सामाजिक अंतर व वेळोवेळी हाताची स्वच्छता केली पाहिजे. ज्या खासगी आस्थापना शासनाने व प्रशासनाने दिलेल्या नियमांचे उल्लंघन करत आहेत, अशा आस्थापनांवर कारवाई करण्यात येत आहे, असा इशारा जिल्हाधिकाऱ्यांनी दिला. दरम्यान, ज्या नागरिकांनी अद्यापपर्यंत लसीचा एकही डोस घेतला नाही, अशा नागरिकांनी प्राधान्याने पहिला डोस घ्यावा. तसेच पहिला डोस घेऊन दुसरा डोस न घेणाऱ्यांनी डोस घ्यावा, असेही आवाहन जिल्हाधिकारी सिंह यांनी केले आहे.
जिल्ह्यातील १५ ते १८ वयोगटातील मुलांना कोव्हॅक्‍सिन लस देण्यात येणार आहे. या लसीकरणापासून एकही पात्र लाभार्थी वंचित राहणार नाही यासाठी पालक, शाळा व महाविद्यालये व्यवस्थापकांनी जबाबदारी घ्यावी, असे जिल्हाधिकारी शेखर सिंह (Collector Shekhar Singh) यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
