पोलिस भरतीची तयारी करण्याकरिता रनिंग करण्यासाठी गेलेल्या दोन्ही युवकांचा मृत्यू झाल्याने कोयना परिसरातून हळहळ व्यक्त होत आहे.
कराड (सातारा) : पाटण-कोयनानगर मार्गावर (Patan-Koynanagar Route) शुक्रवारी रात्री आयशर चारचाकी गाडी व दुचाकीची समोरासमोर जोरदार धडक झाली. यात दुचाकीवरील 2 जण ठार झाले. तर, एकजण गंभीर जखमी झाला आहे.
जखमींवर पाटण ग्रामीण रुग्णालयात उपचार सुरू आहेत. या अपघाताची नोंद रात्री उशिरा कोयनानगर पोलिस (Koynanagar Police) ठाण्यात झाली आहे. पोलिस भरतीची तयारी करणारे दोन्ही युवक अपघातात ठार झाल्याने हळहळ व्यक्त होत आहे.
पोलिसांनी दिलेली माहिती अशी : कोयना विभागातील तोरणे येथील प्रसाद आनंदा कदम (वय 23) आणि प्रणय उत्तम कांबळे (वय 22, कोयनानगर हुंबरळी), धीरज संतोष बनसोडे (वय 18, नाशिक, सध्या रा. कोयनानगर) असे तिघे दुचाकीवरून निघाले होते.
गोषटवाडी गावाजवळ वळणावर समोरून आलेल्या आयशर टेम्पोची आणि दुचाकीची जोरदार धडक बसली. यात तिघेही रस्त्यावर कोसळले. या अपघातात दुचाकीवरील धीरज संतोष बनसोडे हा युवक जागीच ठार झाला. तर, प्रणय उत्तम कांबळे याला उपचारासाठी गाडीतून नेत असताना त्याचा मृत्यू झाला. दुचाकी चालक प्रसाद कदम हा जखमी झाला असून त्याच्यावर पाटण ग्रामीण रुग्णालयात उपचार सुरू आहेत.
पोलिस भरतीची तयारी करण्याकरिता रनिंग करण्यासाठी गेलेल्या दोन्ही युवकांचा मृत्यू झाल्याने कोयना परिसरातून हळहळ व्यक्त होत आहे. कोयनानगर पोलिसांनी घटनास्थळी धाव घेत जखमींना स्थानिकांच्या मदतीने उपचारासाठी दाखल केले. तर, सदरील अपघाताची नोंद रात्री उशिरा कोयनानगर पोलिस ठाण्यात करण्यात आली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
