वैभववाडी: घाट परिसरात सुरू असलेल्या मुसळधार पावसामुळे करूळ घाटरस्त्यावर आज सकाळी साडेदहा वाजण्याच्या सुमारास मोठा दगड कोसळला. त्यामुळे या मार्गावरील वाहतुक काही काळ विस्कळीत झाली. पोलीसांनी जेसीबीच्या सहाय्याने दगड हटविल्यानंतर वाहतुक सुरळीत झाली.
तालुक्यात गेले दोन मुसळधार पाऊस सुरू आहे. मुसळधार पावसाने तालुक्याला अक्षरक्षः झोडपुन काढले. घाट परिसरात पावसाचा जोर अधिक आहे. आज सकाळपासुन देखील पावसाच्या जोरदार सरी कोसळत आहेत. घाट परिसरात सकाळी जोरदार पाऊस झाला. या पावसामुळे करूळ घाटात रस्त्यावर मोठा दगड कोसळला. या दगडाने रस्त्याचा निम्मा भाग व्यापला. कोसळलेल्या दगडामुळे तळेरे-गगनबावडा मार्गावरील वाहतुक काहीशी विस्कळीत झाली.
जेथे दगड कोसळला होता तेथुन एकेरी वाहतुक सुरू होती. दगड कोसळल्याची माहीती वैभववाडी पोलीसांना मिळाल्यानंतर पोलीस निरीक्षक अतुल जाधव, पोलीस उपनिरीक्षक प्रवीण देसाई, पोलीस हवालदार मारूती साखरे आदी घटनास्थळी पोहोचले. दगड मोठा असल्यामुळे पोलीसांनी जेसीबी पाचारण केले. तासाभरानंतर जेसीबी घाटात पोहोचले. त्यानंतर घाटरस्त्यावर कोसळलेला दगड हटविण्यात आला. दीड तासानंतर घाटमार्गावरील वाहतुक पुर्ववत झाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
