विमानतळाच्या अटीमुळे विकासाला बाधा न येण्यासाठी प्रयत्न करणार : चव्हाण

कऱ्हाड ः कऱ्हाडच्या विमानतळाच्या वीस किलोमीटर परिघातील क्षेत्रात बांधकाम उभारणीसाठी निर्बंध लावल्याने त्याचा कऱ्हाडच्या विकासासह बांधकाम व्यवसायासह परिणाम होतो आहे. त्या अटीबाबत अद्यापही स्पष्टता नाही, मात्र तरिही अटीमुळे कऱ्हाडच्या विकासात कोणतीही बाधा होणार नाही, यासाठी सर्वातोपरी प्रयत्न करू, असे अश्वासन माजी मुख्यमंत्री आमदार पृथ्वीराज चव्हाण यांनी दिले.

विमानतळामुले वीस किलोमीटच्या अटीचा कऱ्हाडच्या विकासावर परिणाम होत असल्याची गोष्ट लक्षात घेवून पालिका, क्रीडाई संस्थेचे पदाधिकऱ्यांनी ती अट शिथील करण्यासाठी आमदार चव्हाण यांची भेट घेवून बैठक घेतली. पालिका मुख्याधिकारी रमाकांत डाके, उपाध्यक्ष जयवंत पाटील, नगरसवेक राजेंद्र माने, इंद्रजीत गुजर, महेश कांबळे यांच्यासह क्रीडाईचे अध्यक्ष महेश पाटील, सतीश यादव, नितीन काटू यांच्यासह पदाधिकारी बैठकीस उपस्थित होते. यावेळी क्राडीईतर्फे निवेदनही देण्यात आले.

त्यात म्हटले आहे की, बांधकाम व्यवसायसह कऱ्हाडच्या विकासालाही ती अट मारक आहे. सामान्य नागरीकांच न भरून येणारे नुकसान त्या अटीमुळे होणार आहे. बांधकाम व्यवसायाच्या अनुशंगाने व्यवसाय ठप्प होण्याची दाट शक्यता आहे. विमानतळाचे निकषाचा फेरविचार करून विमानतळाची असणारी अडथळ्यांच्या पृष्ठभागाची (ऑबस्टॅगल लिमीटेशन सरफेस) फेरतपासणी व्हावी. ती शहर व परिसाच्या विकासाच्या दृष्टीने असावी. क्रीडाई संस्थेने दिलेले निवेदन व त्यांच्याशी झालेल्या चर्चेत आमदार चव्हाण यांनी सकारात्मकता दाखवली.

विमानतळ प्राधीकरणाचे दिल्ली येथील वरिष्ठ अधिकारी श्री. बन्सल यांच्याशी आमदार चव्हाण यांनी बैठकीतूनच चर्चा केली. त्यावेळी विमानतळाच्या त्या आदेशाबाबत अद्यापही स्पष्टता नसल्याची बाब समोर आली. आमदार चव्हाण म्हणाले, विमानतल प्राधीकरमाकडेही त्याबाबत सविस्तर माहिती नाही. त्या आदेशाची अदिक स्पष्टता यावी, यासाठी अन्य वरिष्ठांशी बोलून त्याचा निर्णय घेवू. ती अटक केवळ कऱ्हा़डसाठी आहे की, राज्य, देशातही ती अट लागू आहे. याची माहिती गेवून त्यावर उपायांसाटी सर्वतोपरी प्रयत्न करून. क्रीडाई व पालिकेनेही त्याबाबत संयुक्त प्रयत्न करून त्याबाबतची माहिती घ्यावी. त्याबाबत उपाय सुचवावेत, तीही माहिती सरकारी यंत्रणेपर्यंत पोचवण्यासाठी प्रयत्न करू असे सांगितले.