प्रीती या किसन वीर महाविद्यालयात (KisanVeer College) प्राध्यापक होत्या. पती योगेश पाचगणी येथील सेंट पीटर निवासी हायस्कूलमध्ये शिक्षक आहेत.
वाई : पाचगणी रस्त्यावर पसरणी घाटात (Pasarni Ghat) एसटी बसचे (Bus Accident) ब्रेक फेल होऊन झालेल्या अपघातात दुचाकीवरील प्राध्यापक महिलेचा (Women Professor) मृत्यू झाला. दुचाकीचे पूर्ण नुकसान झाले. प्रीती योगेश बोधे (वय ४०, रा. पाचगणी) असे मृत महिलेचे नाव आहे.
पाचगणी येथील योगेश दामोदर बोधे व पत्नी प्रीती हे दोघे दुचाकीवरून (एमएच १२ एयू ६०६७) काल सायंकाळी सातच्या सुमारास पसरणी घाटातून पाचगणीला जात होते. या वेळी बुवासाहेब मंदिरानजीक स्वारगेटहून महाबळेश्वरला निघालेली बसचे (एमएच ०६ एस ८०५४) ब्रेक फेल झाल्याने ती उतारने वेगात मागे आली.
त्याखाली बोधे यांची दुचाकी जाऊन झालेल्या अपघातात प्रीती बोधे या गंभीर जखमी झाल्या. त्यांना उपचारासाठी खासगी रुग्णालयात हलविण्यात आले. उपचारापूर्वी त्यांचा मृत्यू झाला. त्यांचे पती किरकोळ जखमी झाले.
या घटनेची नोंद पोलिस ठाण्यात झाली आहे. प्रीती या किसन वीर महाविद्यालयात (KisanVeer College) प्राध्यापक होत्या. पती योगेश पाचगणी येथील सेंट पीटर निवासी हायस्कूलमध्ये शिक्षक आहेत. वाई येथील डी मार्टमध्ये साहित्य घेऊन ते दोघे पाचगणीला जात होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
