म्हारी छोरियां छोरों से कम हैं के?; ऑलिंपिकसाठी अंशु मलिकची कझाकिस्तानात 'दंगल'

खंडाळा (सातारा) : यशवंत सातारा कुस्ती संघाची महिला कुस्तीगीर अंशु मलिकने इतिहास घडवला. टोकिओ (जपान) ऑलिंपिक पात्रता मिळविण्यासाठी आलमटी (कझाकिस्तान) येथे सुरू असलेल्या आशियाई ऑलिंपिक स्पर्धेत चमकदार कामगिरी करत यश मिळवले आहे. यशवंत सातारा कुस्ती संघाचे मालक व माजी शिवसेना जिल्हाप्रमुख पुरुषोत्तम जाधव यांनी ही माहिती दिली.

यशवंत कुस्ती संघाच्या महिला कुस्तीगीर पैलवान अंशु मलिक यांनी ऑलिंपिक स्पर्धेत पात्र होऊन जिल्ह्याचे नाव उज्वल केले आहे. त्यामुळे कुस्तीमध्ये खाशाबा जाधवांनंतर पुन्हा एकदा ऑलिंपिकमध्ये पदक मिळण्याकडे साताऱ्यासह भारतातील सर्व क्रीडाप्रेमींच्या नजरा लागणार आहेत. पै. मलिक हिने 57 किलो वजनगटात हे यश संपादन केले. ती हरियानातील असून, सध्या ती रोहटक (हरियाना) येथे बी. ए. च्या शेवटच्या वर्षात शिकत आहे.

ओझर्डेच्या जवानाला सिक्किममध्ये वीरमरण; सातारा जिल्ह्यावर शोककळा

अंशु मलिकने यशवंत सातारा कुस्ती संघाकडून या खेळात सहभाग घेत चमकदार कामगिरी करत नोर्डिक पद्धतीत आपल्या पोलमधून सर्व लढती जिंकत टोकिओ ऑलिंपिक पात्रता मिळविण्यात यश मिळवले. कुस्ती संघाचे मालक व खंडाळा तालुका कुस्तीगीर संघाचे अध्यक्ष पुरुषोत्तम जाधव यांचे महाराष्ट्र कुस्तीगीर संघाचे अध्यक्ष, सर्व पदाधिकारी व कुस्तीपटूंनी अभिनंदन केले. भविष्यात ऑलिंपिक स्पर्धेत सुवर्णपदक मिळवून देशाचे, यशवंत सातारा कुस्ती संघाचे नाव जगभर करावे, अशा शुभेच्छांचा वर्षाव कुस्तीप्रेमींकडून झाल्याचे पाहण्यात आले.

साताऱ्याच्या बातम्या वाचण्यासाठी येथे ► क्लिक करा

Edited By : Balkrishna Madhale