TVS Apache RTR 160 4V 2023 : टिव्हीएस मोटर कंपनी (TVS Motor Company) ने Apache RTR 160 4V ची नवीन विशेष आवृत्ती लॉन्च केली आहे. त्याची किंमत 1,30,090 रुपये (एक्स-शोरूम, दिल्ली) आहे आणि आता सर्व अधिकृत डीलरशिपवर विक्रीसाठी उपलब्ध आहे. नवीन 2023 TVS Apache RTR 160 4V स्पेशल एडिशनला Apache RTR 160 4V च्या स्टँडर्ड आवृत्तीच्या तुलनेत कॉस्मेटिक तसेच यांत्रिक अपडेट्स मिळतात. यात काही नवीन फर्स्ट-इन-सेगमेंट फीचर्स देखील मिळतात. मोटारसायकल मॅट ब्लॅक स्पेशल एडिशन पेंट स्कीममध्ये विकली जाईल आणि लाइन-अपमध्ये सामील होणारा नवीन पर्ल व्हाईट रंग.
इंजिन आणि पॉवर
मेकॅनिकल बदलांबद्दल बोलायचे झाल्यास, Apache RTR 160 4V ला नवीन एक्झॉस्ट दिला आहे. TVS ने याला 'बुलपअप एक्झॉस्ट' असे नाव दिले असून त्याचा आवाज अधिक चांगला होईल अशी अपेक्षा आहे. या बाईकचे वजन 1 किलो वजन कमी करण्यात आले आहे. मात्र, त्याच्या इंजिनमध्ये कोणताही बदल करण्यात आलेला नाही. हे त्याच 159.7 cc, ऑइल-कूल्ड, SOHC इंजिनसह येते ज्याला इंधन इंजेक्शन मिळते. हे इंजिन 9,250 rpm वर 17.30 bhp चा सर्वोत्तम पॉवर आउटपुट आणि 7,250 rpm वर 14.73 Nm चा पीक टॉर्क जनरेट करते. या इंजिनसोबत 5-स्पीड गिअरबॉक्स उपलब्ध आहे.
हेही वाचा - दुधाच्या प्लास्टिक पिशवीचा कापलेला छोटा कोपराही घडवेल अनर्थ...
3 राइडिंग मोड्स
यात 3 राइडिंग मोड मिळतात - अर्बन, स्पोर्ट आणि रेन. अर्बन आणि रेन मोडमध्ये, टॉप स्पीड 103 किमी ताशी मर्यादित आहे, तर स्पोर्ट मोडमध्ये टॉप स्पीड 114 किमी प्रतितास पर्यंत वाढतो.
लुक आणि डिझाईनमधील
कॉस्मेटिक बदलांबद्दल सांगायचे तर, याला लाल आणि काळ्या रंगाचे अलॉय व्हील मिळतात. सीटची रचना काळ्या आणि लाल रंगात करण्यात आली आहे. याशिवाय त्याला एक नवीन पॅटर्न मिळाला आहे. याला अॅडजस्टेबल ब्रेक आणि क्लच लीव्हर्स देखील मिळतात जे सेगमेंटमध्ये पहिल्यांदाच देण्यात आले आहे.
फीचर्स
कंपनी Apache RTR 160 4V स्पेशल एडिशन मध्ये देखील TVS SmartXonnect देत आहे जी ब्लूटूथ कनेक्टिव्हिटी आहे. इन्स्ट्रुमेंट क्लस्टर इतर सामान्य नोटिफिकेशनशिलाय गियर शिफ्ट इंडिकेटर देखील दर्शवू शकतो. एलईडी हेडलॅम्प नवीन एलईडी डेटाइम रनिंग लॅम्पसह अपडेट केले गेले आहेत.
सस्पेंशन आणि ब्रेकिंग
मोटरसायकलला समोरील बाजूस 270 mm पेटल डिस्क आणि ब्रेकिंगसाठी मागील बाजूस 200 mm पेटल डिस्क मिळते. डबल क्रेडल फ्रेमला पुढच्या बाजूला टेलिस्कोपिक फॉर्क्स आणि मागील बाजूस मोनोशॉक सस्पेंशन मिळते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
