Mother of Data Breach : आजच्या काळात डेटा ही सगळ्यात महागडी गोष्ट झाली आहे. त्यामुळेच सायबर गुन्हेगार वेबसाईट्स आणि अ‍ॅप्सचा डेटा चोरण्यासाठी भरपूर प्रयत्न करत असतात. एखाद्या वेबसाईटचा डेटा लीक होणं ही गोष्ट आता नवीन राहिलेली नाही. मात्र आतापर्यंत झालेला सर्वात मोठा डेटा लीक आता समोर आला आहे. विविध लोकप्रिय वेबसाईट्सच्या तब्बल 26 बिलियन फाईल्स लीक झाल्या आहेत.
सायबरन्यूजच्या सुरक्षा रिसर्चर्सने याबाबत माहिती दिली आहे. या हल्ल्याला 'मदर ऑफ ऑल ब्रीचेस' म्हटलं जात आहे. गुन्हेगारांनी चोरलेल्या डेटाची साईज ही तब्बल 12 टेराबाईट्स असल्याचं या रिपोर्टमध्ये म्हटलं आहे. एक टेराबाईट्स म्हणजे 100 GB, यावरुन या डेटाच्या भव्यतेची कल्पना येऊ शकते.
कोणत्या अ‍ॅप किंवा वेबसाईटचा किती डेटा लीक झाला आहे याबाबत या रिपोर्टमध्ये माहिती देण्यात आली आहे.
एक्स (ट्विटर) - 281 मिलियन रेकॉर्ड्स (X Data Leak)
लिंक्डइन (Linked In) - 251 मिलियन रेकॉर्ड्स
अ‍ॅडोब (Adobe) - 153 मिलियन रेकॉर्ड्स
कॅनव्हा (Canva) - 143 मिलियन रेकॉर्ड्स
ड्रॉपबॉक्स (Dropbox) - 69 मिलियन रेकॉर्ड्स
टेलिग्राम (Telegram) - 41 मिलियन रेकॉर्ड्स
डेलीमोशन (Daily Motion) - 86 मिलियन रेकॉर्ड्स
मायस्पेस (MySpace) - 360 मिलियन रेकॉर्ड्स
वेईबो (Weibo) - 504 मिलियन रेकॉर्ड्स
डीझर (Deezeer) - 258 मिलियन रेकॉर्ड्स
अडल्ट फ्रेंड फाईंडर (Adult Friend Finder) - 220 मिलियन रेकॉर्ड्स
व्हीके (VK) - 101 मिलियन रेकॉर्ड्स
टेन्सेंट क्यूक्यू (Tencent QQ) - 1.4 बिलियन रेकॉर्ड्स
या डेटामध्ये यूजर्सचे लॉगइन डीटेल्स तर आहेतच, मात्र त्यासोबत अन्य गोपनीय आणि खासगी माहितीचाही समावेश आहे. या 12 TB डेटामध्ये 3,800 फोल्डर्स आहेत. यातील प्रत्येक फोल्डरमध्ये वेगवेगळा डेटा आहे. आयडेंटिटी थेफ्ट, फिशिंग, सायबर हल्ले आणि इतर कित्येक प्रकारच्या चुकीच्या कामांसाठी याचा वापर केला जाऊ शकतो. (Biggest Data Breach in History)
तुमचा पर्सनल डेटा लीक झाला आहे की नाही हे तुम्ही स्वतःच तपासू शकता. यासाठी तुम्हाला 'Have I Been Pawned' या वेबसाईटची मदत घ्यावी लागेल. याठिकाणी तुमचे काही डीटेल्स दिल्यानंतर, ते इंटरनेट किंवा इतर ठिकाणी लीक झाले आहेत का हे सांगितलं जातं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
