सबस्क्राईब करा
- ताज्या
- देश
- शहरशहर
- क्रीडाक्रीडा
- साप्ताहिक
- Epaper
- महाराष्ट्र
- सकाळ मनी
- व्हायरल सत्य
- प्रीमियर
- आणखीआणखी
- राशी भविष्य
- सकाळ +
- वेब स्टोरीज
- गणेश चतुर्थीगणेश चतुर्थी
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
- Games esakal
- सकाळ लाईव्ह TV
ISRO Aditya L1 : 'चांद्रयान-3'च्या यशानंतर आता इस्रो आणखी एक मोठी कामगिरी पार पाडणार आहे. सूर्याचा अभ्यास करण्यासाठी 'आदित्य एल-1' ही मोहीम राबवण्यात येणार आहे. ही भारताची पहिलीच सौरमोहीम असणार आहे. याची तयारी पूर्ण झाली असून, 'आदित्य' उपग्रह श्रीहरीकोटा येथील लाँच पॅडवर सज्ज झाला आहे.
इस्रोने एक्स (ट्विटर) पोस्ट करत याबाबत माहिती दिली. आदित्यला अवकाशात घेऊन जाणाऱ्या पीएसएलव्ही-सी57 या रॉकेटचे काही फोटो इस्रोने पोस्ट केले आहेत. यामध्ये आदित्य उपग्रह देखील आहे. श्रीहरीकोटा येथील दुसऱ्या लाँच पॅडवरुन हे रॉकेट प्रक्षेपित करण्यात येईल.
शनिवार, 2 सप्टेंबर रोजी सकाळी 11 वाजून 50 मिनिटांनी आदित्य-L1 चे प्रक्षेपण करण्यात येणार आहे. यानंतर सुमारे चार महिने हा उपग्रह अंतराळात प्रवास करेल. सूर्य आणि पृथ्वीच्या मध्ये असणाऱ्या एका लॅग्रेंज पॉइंटवर हा उपग्रह ठेवण्यात येईल.
हा पॉइंट पृथ्वीपासून सुमारे 15 लाख किलोमीटर दूर आहे. हे अंतर चंद्राच्या तुलनेत चार पटींनी अधिक आहे. त्यामुळे, या ठिकाणी पोहोचण्यासाठी 'आदित्य'ला सुमारे चार महिन्यांचा कालावधी लागेल. (ISRO Aditya Mission)
या मोहिमेच्या माध्यमातून इस्रो सूर्याचा अधिक चांगल्या प्रकारे अभ्यास करू शकेल. सूर्याच्या पृष्ठभागावरील तापमान, सौर वादळे, कॉस्मिक रेज आणि इतर बऱ्याच गोष्टींचा अभ्यास करणं इस्रोला शक्य होणार आहे. यासोबतच लँग्रेज पॉइंटजवळच्या कणांचा देखील अभ्यास 'आदित्य' करणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
