Jio, Airtel, Vi : कमी किमतीत बेस्ट प्रीपेड प्लॅन; मिळते 3 महिने व्हॅलिडिटी

Airtel, Jio and Vi prepaid Plans : देशातील आघाडीच्या नेटवर्क प्रदाता कंपन्या रिलायन्स जिओ, एअरटेल आणि व्होडाफोन आयडिया बाजारात दमदार प्लॅन्स ऑफर करतात. तुम्ही स्वतःसाठी तीन महिन्यांची वैधता असलेला सर्वात स्वस्त प्लॅन शोधत असाल, तर आज या तीन कंपन्यांच्या सर्वात स्वस्त प्लॅनची माहिती जाणून घेणार ​​आहोत. मात्र, गेल्या महिन्यात कंपन्यांनी त्यांच्या प्रीपेड प्लॅनच्या किमती वाढवल्या असून या सर्व प्रीपेड प्लॅन्समध्ये अमर्यादित व्हॉईस कॉलिंग, डेटा बेनिफिट्स दिले जातात. चला या सर्व प्लॅन्सबद्दल सविस्तर माहिती घेऊया.

रिलायन्स जिओचा (Jio) 395 रुपयांचा प्लॅन:

रिलायन्स जिओच्या 395 रुपयांच्या प्लॅनमध्ये एकूण 6GB डेटा दिला जातो. वैधतेबद्दल बोलायचे झाले तर, या प्लॅनमध्ये 84 दिवसांची वैधता देण्यात आली आहे. व्हॉईस कॉलिंगबद्दल बोलायचे झाले तर या प्लॅनमध्ये अनलिमिटेड व्हॉईस कॉलिंग देण्यात आले आहे. या प्लॅनमध्ये एकूण 1000 एसएमएस देण्यात आले आहेत.

इतर फायद्यांमध्ये तुम्हाला, या प्लॅनमध्ये JioTV, JioCinema, JioSecurity आणि JioCloud वर फ्री एक्सेस दिला जातो. या प्लॅनचे वैशिष्ट्य म्हणजे त्यातील डेटा कधीही वापरता येतो. या प्लॅनमध्ये तुम्हाला डेली खर्च फक्त 4.7 रुपये आहे.

व्होडाफोन आयडियाचा (Vi) 459 रुपयांचा प्लॅन

व्होडाफोन आयडियाच्या 459 रुपयांच्या प्लॅनमध्ये दररोज 6GB डेटा मिळतो. या प्लॅनला 84 दिवसांची वैधता मिळते. व्हॉईस कॉलिंगसाठी या प्लॅनमध्ये अनलिमिटेड व्हॉईस कॉलिंग उपलब्ध आहे. एसएमएसच्या बाबतीत, एकूण 1000 एसएमएस उपलब्ध असून इतर फायद्यांसाठी, या प्लॅनमध्ये VI चित्रपट आणि टीव्हीचा एक्सेस देण्यात आला आहे.

एअरटेलचा (Airtel) 455 रुपयांचा प्लॅन:

एअरटेलच्या 455 रुपयांच्या प्लॅनमध्ये 84 दिवसांची वैधता दिली जाते. डेटाबद्दल बोलायचे झाले तर या प्लॅनमध्ये दररोज 6GB डेटा मिळतो. प्लॅनमध्ये अनलिमिटेड व्हॉईस कॉलिंग उपलब्ध आहे. एसएमएसच्या बाबतीत, एकूण 900 एसएमएस मिळतात. या प्लॅनमध्ये तुम्हाला Mobile Edition Free Trial, Apollo 24|7 Circle, Shaw Academy, फ्री Hello Tunes, Wynk Music आणि फास्टॅग रिचार्जवर 100 रुपयांचा कॅशबॅक दिला जातो.