Anti Ageing Forumula : म्हातारपणाचे तारुण्यात रूपांतर करण्याचे सूत्र शास्त्रज्ञांनी शोधून काढले आहे. हार्वर्ड युनिव्हर्सिटीच्या शास्त्रज्ञांनी असा दावा केला आहे की त्यांनी अशा 6 रसायनांचे कॉकटेल तयार केले आहे जे मानव आणि उंदरांमध्ये वृद्धत्वाच्या प्रभावाच्या विरुद्ध कार्य करेल. त्यामुळे वाढत्या वयाचा प्रभाव कमी होईल.
रसायनांचे हे मिश्रण रिव्हर्स एजिंगवर काम करेल, म्हणजेच हा फॉर्म्युला एखाद्या व्यक्तीची त्वचा अनेक वर्षांपूर्वी दिसायची तशी बदलेल. त्याचा परिणाम केवळ त्वचेवरच नाही तर शरीराच्या अंतर्गत भागांवरही होईल. त्याची चाचणी उंदीर आणि मानवी पेशींवर करण्यात आली असून ती यशस्वी झाली आहे.
हा एक नवीन शोध असल्याचे हार्वर्ड मेडिकल स्कूलचे शास्त्रज्ञ आणि आण्विक जीवशास्त्रज्ञ डॉ. डेव्हिड सिंक्लेअर यांचे म्हणणे आहे. हा फॉर्म्युला लोकांच्या बजेटमध्ये असेल, ज्याचा वापर ते त्यांच्या शरीरासाठी करू शकतात. डॉ. डेव्हिड म्हणतात, पुढच्या वर्षी त्याची मानवी चाचणी सुरू होऊ शकते.
फॉर्म्युला कसा तयार झाला?
जर तुम्हाला सोप्या भाषेत सांगायचे तर शास्त्रज्ञांनी अशा पेशी जुन्या पेशींपासून वेगळे केल्या आहेत ज्या तरुण होत्या. त्यांना सेन्सेंट पेशी म्हणतात. यात काही पेशींचे विभाजन थांबते. हे वृद्धत्वाचे लक्षण आहे. या संकल्पनेतून संशोधन सुरू केले.
हे समजून घेण्यासाठी, शास्त्रज्ञांनी चाचणी केली आणि त्यांच्यावर विशेष चिन्हकांचा वापर केला. हे एस मार्कर वृद्धत्व रोखतात. यामध्ये न्यूक्लियोसाइटोप्लाझम प्रोटीन कंपार्टमेंटलायझेशन (NCC) समाविष्ट होते. स्टेम, हाडे आणि स्नायू पेशींमध्ये NCC महत्त्वाची भूमिका बजावते.
6 रसायनांचा अँटी-एजिंग फॉर्म्युला तयार केला?
वृद्धत्व रोखण्यासाठी 6 प्रकारची रसायने तयार केली. एनसीसीला त्याच्या पूर्वीच्या स्थितीत परत आणण्यासाठी त्याचा वापर करण्यात आला. वृद्धत्वाचे परिणाम झपाट्याने कमी करण्यासाठी ते उंदीर आणि मानवी पेशींवर वापरले गेले.
हा परिणाम धक्कादायक होता, असं डॉ. डेव्हिड सांगतात. अवघ्या 4 दिवसांच्या उपचाराचा परिणाम एवढाच होता जेवढा अँटी एजिंग उपचाराचा परिणाम एका वर्षात दिसून येतो. त्यांच्या पेशींमध्ये किती बदल झाले आहेत, हेही शास्त्रज्ञांनी संशोधनातून समजून घेण्याचा प्रयत्न केला.
फॉर्म्युला टॅब्लेटमध्ये रूपांतरित केला जाईल
हा फॉर्म्युला गोळीच्या स्वरूपात घेता येईल, असे डॉ.डेव्हिड सांगतात. दृष्टी वाढवण्यासोबतच वाढत्या वयाबरोबर होणाऱ्या आजारांवरही तो गुणकारी ठरेल. या संशोधनावर इतर शास्त्रज्ञांनीही आपली मते मांडली आहेत.
जीवशास्त्रज्ञ मॅट केबरलीन म्हणतात की ही पद्धत एक मोठी प्रगती ठरू शकते. पण संशोधन अद्याप त्याच्या सुरुवातीच्या टप्प्यातच आहे. हे सूत्र अधिक प्राण्यांवर वापरण्याची गरज आहे. त्याचा परिणाम पाहावा लागेल. हार्वर्ड युनिव्हर्सिटीच्या है शास्त्रज्ञांनी हा शोध लावला आहे ते पुढील वर्षी याची मानवांवर चाचणी करणार आहेत. या संशोधनाच्या परिणामाने टेस्लाचे सीईओ एलोन मस्क यांनाही प्रभावित केले आहे. याबाबत त्यांनी ट्विट करून आश्चर्य व्यक्त केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
