मुंबई : iPhone 14 सीरीजनंतर बहुप्रतीक्षित असणाऱ्या Apple iPhone 15 चे फीचर्स आणि किंमत अशी माहिती समोर आली आहे. अपकमिंग आयफोन 15 सीरीजमधील iPhone 15 Ultra चे फीचर्स इंटरनेटवर लीक झाले आहेत. इंटरनल सोर्स LeaksApplePro च्या एका लेटेस्ट ट्वीटनुसार, iPhone 15 Ultra निर्मितीत iPhone 14 Pro Max च्या तुलनेत जास्त खर्च करण्यात येणार आहे.
Apple iPhone 14 Pro Max चे टॉप-एंड मॉडेलची (1TB स्टोरेज) भारतीय बाजारात 1 लाख 89 हजार 900 रुपये किंमत आहे. आयफोन 15 अल्ट्राची किंमत आयफोन 14 प्रो मॅक्सच्या तुलनेत खूप जास्त असू शकते, असा अंदाज ट्वीटवरून लावला जात आहे. Apple iPhone 15 ची किंमत 2 लाख रुपयांच्या वर असू शकते. हेही वाचा - गरज आहे पंढरपूर पुन्हा समतेचे पीठ होण्याची....
काय आहेत iPhone 15 Ultra संभाव्य फीचर्स
Apple iPhone 15 Ultra मध्ये प्रीमियम टाइटेनियम बॉडी मिळण्याची शक्यता आहे. टाइटेनियममुळे केवळ अपकमिंग Apple iphone 15 Ultra ला प्रीमियम फील देईल, सोबतच स्मार्टफोन स्टीलच्या तुलनेत वजनाने हलका असेल.
मजबूत आणि स्क्रॅच रेसिस्टेंट देखील असेल. टाइटेनियम केस असलेला आयफोनमध्ये वापरलेले जाणारे मटेरियल 35 टक्के जास्त महागडा आहे. स्मार्टफोन ड्युअल फ्रंट कॅमेऱ्यासोबत येण्याची शक्यता आहे. असा आयफोन पहिल्यांदा बाजारात येणार आहे.
Apple ने यूरोपीय संघाच्या निर्णयानंतर आयफोन्ससाठी आता USB टाईप-सी चार्जिंग पोर्ट वापरण्याची घोषणा केली आहे. त्यामुळे iPhone 15 सीरीज मधील फोन्समध्ये USB-C पोर्ट असण्याची शक्यता आहे. Apple iPhone 15 Pro आणि iPhone 15 Ultra मध्ये देखील मागील जनरेशन मॉडेलच्या तुलनेत अधिक रॅमची अपेक्षा व्यक्त केली जात आहे.
ब्लूमबर्गच्या रिपोर्टनुसार, इतर अपग्रेडमध्ये Apple iPhone 15 सीरीजमध्ये इन-हाऊस 5G मोडेमची सुविधा मिळू शकते. मात्र, क्वालकॉमने याबाबत अद्याप जास्त खुलासा केलेला नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
