अ‍ॅपलचा नवा आयफोन अवघ्या काही दिवसांमध्ये लाँच होणार आहे. 12 सप्टेंबरला एका मोठ्या इव्हेंटमध्ये अ‍ॅपल आपली नवी उत्पादने लाँच करणार आहे. यातच नव्या आयफोन 15 सीरीजचाही समावेश आहे. या लाँचची अ‍ॅपल यूजर्स आणि फॅन्स आतुरतेने वाट पाहत आहेत.
अ‍ॅपल नव्या आयफोनला जगभरात एकाच वेळी लाँच करणार आहे. त्याचप्रमाणे ग्लोबल मार्केटसोबतच भारतातही iPhone 15 ची विक्री सुरू होईल. साधारणपणे 22 सप्टेंबरपासून हा फोन विक्रीसाठी उपलब्ध होणार असल्याचं मीडिया रिपोर्ट्समध्ये म्हटलं जात आहे.
दरम्यान, आयफोन 15 लाँच होण्यापूर्वी यामध्ये कोणते फीचर्स असू शकतात याबाबत सोशल मीडियावर मोठ्या प्रमाणात चर्चा सुरू आहे. अगदी नव्या सीरीजमध्ये चार नाही, तर पाच आयफोन असतील अशाही चर्चा सुरू आहेत. यामध्ये iPhone 15, iPhone 15 Plus, iPhone 15 Pro, iPhone 15 Pro Max आणि iPhone 15 Ultra याचा समावेश आहे. अर्थात, काही टिपस्टर्सच्या मते प्रो मॅक्स मॉडेलचंच नाव बदलून अल्ट्रा करण्यात येऊ शकतं.
नवीन आयफोन 15 हा मागील मॉडेलच्या तुलनेत तब्बल 200 डॉलर्स अधिक महाग असू शकतो असंही म्हटलं जात आहे. यामुळे iPhone 15 च्या टॉप मॉडेलची किंमत ही दीड लाख रुपयांहून अधिक असू शकते. अर्थात, याबाबत अधिकृत माहिती अद्याप समोर आलेली नाही.
अ‍ॅपल इव्हेंटमध्ये यावर्षी आयफोन 15 सीरीज सोबतच अ‍ॅपल वॉच 9 आणि अ‍ॅपल वॉच अल्ट्रा 2 देखील लाँच होऊ शकते. सोबतच कंपनी सॉफ्टवेअर अपडेटची घोषणा देखील करु शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
