Aadhaar Card Safety Tips : आधार कार्ड हा आपल्या ओळखीचा एक महत्त्वाचा दस्तावेज आहे, ज्याचे सुरक्षीत ठेवणे आवश्यक आहे. युनिक आयडेंटिफिकेशन अथॉरिटी ऑफ इंडिया (UIDAI) ने आधार क्रमांक सुरक्षित ठेवण्यासाठी ‘मास्क्ड आधार’ ही नवी सुविधा उपलब्ध करून दिली आहे. या सुविधेच्या माध्यमातून आपल्या आधार क्रमांकाचे काही अंक लपवले जातात, ज्यामुळे पूर्ण क्रमांक कुठेही उघड होत नाही, मात्र ओळख व पडताळणीसाठी तो वापरता येतो.
मास्क्ड आधारमुळे आपला आधार क्रमांक अनधिकृत व्यक्ती किंवा संस्थांकडे पोहोचण्याचा धोका कमी होतो. हॉटेल्स, रेस्टॉरंट्स, क्लब्स इत्यादी ठिकाणी ही सुविधा उपयुक्त ठरू शकते.
आधार क्रमांकाचे काही अंक लपवले गेल्याने आपली माहिती चुकीच्या उद्देशाने वापरण्याचा धोका कमी होतो.भारतातील विविध क्षेत्रांत मास्क्ड आधार मान्य केला जातो. सरकारी सेवा, आर्थिक संस्थांसह खाजगी संस्थांमध्येही याचा वापर करता येतो.
आपण मास्क्ड आधार विविध गरजांसाठी वापरू शकता, जसे की,
प्रवास: हॉटेल चेक-इन किंवा इतर प्रवासाशी संबंधित सेवांसाठी मास्क्ड आधार उपयुक्त ठरतो.
आर्थिक व्यवहार: ओळख आणि पडताळणीसाठी सुरक्षित पद्धत म्हणून आधार क्रमांक लपवून ठेवता येतो.
सरकारी सेवा: सरकारी सेवांचा लाभ घेण्यासाठी आधार क्रमांक उघड न करता सुरक्षित ठेवता येतो.
सध्याच्या सायबर धोके लक्षात घेता, आपल्या ओळखीचे संरक्षण करणे महत्त्वाचे आहे. मास्क्ड आधारचा वापर करून आधार क्रमांकाशी संबंधित फसवणुकीचा धोका कमी करता येतो. आपल्या आधार कार्डची योग्य काळजी घ्या आणि आपली गोपनीयता जपण्यासाठी ‘मास्क्ड आधार’चा वापर करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
