मुंबई : डेटा लीकच्या बातम्या आपण रोज ऐकतो. आजकाल अनेक प्रकारे डेटा लीक होत आहे. कधी फेसबुकचा डेटा लीक होत आहे तर कधी कोणत्यातरी शॉपिंग साइटचा डेटा लीक होत आहे. एवढेच नाही तर तुमच्या स्मार्टफोनचा खासगी डेटा जसे की फोटो, व्हिडिओ किंवा कोणतीही गोपनीय फाइल देखील लीक होऊ शकते.
डेटा लीक झाल्यानंतर तुमची वैयक्तिक माहिती आणि ई-मेल आयडी, पासवर्ड, मोबाइल नंबर इत्यादी हॅकर्सपर्यंत पोहोचतात, त्यानंतर हॅकर्स फोरमसारख्या डार्क वेबवर डेटा विकला जातो किंवा याच्या मदतीने वैयक्तिक ब्लॅकमेलही करता येते.
तुम्हीसुद्धा अँड्रॉइड स्मार्टफोन वापरत असाल तर तुमचा डेटा सुरक्षित ठेवण्यासाठी तुम्ही काही महत्त्वाच्या गोष्टींची काळजी घेतली पाहिजे, जेणेकरून भविष्यात तुम्हाला कोणतीही अप्रिय घटना टाळता येईल. हेही वाचा - दुधाच्या प्लास्टिक पिशवीचा कापलेला छोटा कोपराही घडवेल अनर्थ...
या कारणांमुळे डेटा लीक होतो
बचाव करण्यापूर्वी, कोणत्या चुकांमुळे तुमचा वैयक्तिक डेटा लीक होतो हे जाणून घेण्याचा प्रयत्न करूया. अनेकदा असे दिसून येते की आपण आपले कोणतेही वैयक्तिक फोटो, व्हिडिओ किंवा फाइल्स आणि पासवर्ड आपल्या मित्र आणि नातेवाईकांसोबत शेअर करतो. जर त्यांनी तुमचा डेटा आणखी एखाद्या व्यक्तीकडे हस्तांतरित केला तर ? या प्रकरणात तुमचा डेटा लीक होऊ शकतो.
त्याच वेळी, बर्‍याच वेळा आपण घाईघाईने किंवा लक्ष न देता विश्वासार्ह नसलेल्या स्रोतांकडून तृतीय-पक्ष अॅप्स स्थापित करतो. हे अॅप्स स्पायवेअरने लोड केले जाऊ शकतात आणि तुमची वैयक्तिक माहिती हॅकर्सच्या समोर आणू शकतात.
डेटा लीक टाळण्यासाठी या पद्धती फॉलो करा
तुमच्या स्मार्टफोनला डेटा लीकेजपासून वाचवण्याचा सर्वात सोपा आणि महत्त्वाचा मार्ग म्हणजे तुमचा फोन लॉक ठेवणे. यासोबतच अॅपलॉकच्या मदतीने फोनमधील अॅप्स विशेषतः गॅलरी आणि फाइल मॅनेजर सुरक्षित ठेवा. आजकाल सुरक्षेच्या कारणास्तव स्मार्टफोन कंपन्यांनी प्री-इंस्टॉल अॅप लॉकची सुविधाही द्यायला सुरुवात केली आहे. त्याच्या मदतीने तुम्ही मोबाइल अॅप लॉक करून सुरक्षितही करू शकता.
तुमचा वैयक्तिक डेटा कोणाशीही शेअर करू नका. व्हॉट्सअ‍ॅप, फेसबुक मेसेंजर आणि इंस्टाग्राम यांसारख्या सोशल मीडियावरही तुमचे वैयक्तिक फोटो आणि फाइल्स कोणाशीही शेअर करू नका.
तुमच्या फोनवर कोणतेही अॅप अ-प्रमाणिक स्त्रोतांकडून डाउनलोड आणि स्थापित करणे टाळा. अॅप फक्त Google Play Store वरून इंस्टॉल करा. तसेच, अॅप स्थापित करण्यापूर्वी, त्याचे रेटिंग आणि पुनरावलोकने वाचण्यास विसरू नका.
थर्ड पार्टी अॅप्स वापरणे टाळा. बर्‍याच वेळा या अॅप्समध्ये स्पायवेअर आणि मालवेअर असतात, जे तुमचा फोन स्कॅन करत राहतात आणि तुमची वैयक्तिक माहिती हॅकर्सपर्यंत पोहोचवण्यासाठी बॅकग्राउंडमध्ये काम करतात. फोनमध्ये फक्त आवश्यक अॅप इन्स्टॉल करण्याचा प्रयत्न करा आणि जेव्हा शंका असेल तेव्हा लगेच अॅप काढून टाका.
फोनवरील कोणत्याही अज्ञात लिंकवर क्लिक करू नका. हॅकर्स किंवा स्कॅमर अनेकदा ईमेल किंवा एसएमएसद्वारे मालवेअरने भरलेल्या लिंक्स पाठवतात. लिंक क्लिक करताच तुमच्या फोनची हेरगिरी सुरू होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
