सबस्क्राईब करा
Ramlalla's Pran Pratishtha Live Stream : अयोध्येतील भव्य राम मंदिरात सोमवारी ऐतिहासिक असा प्राणप्रतिष्ठा सोहळा पार पडला. जगभरातील कोट्यवधी श्रीरामभक्तांचं स्वप्न यानिमित्ताने पूर्ण झालं. सुरक्षेच्या कारणास्तव या सोहळ्याला अयोध्येत सामान्यांना प्रवेश देण्यात आला नव्हता. मात्र टीव्ही, यूट्यूब आणि ओटीटीच्या माध्यमातून कोट्यवधी भाविकांनी हा सोहळा लाईव्ह पाहिला.
यूट्यूबवर या सोहळ्याने लाईव्ह स्ट्रीमिंगचा नवीन विक्रम प्रस्थापित केला. पंतप्रधान नरेंद्र मोदींच्या यूट्यूब चॅनलवरील Ram Lalla's Pran Pratishtha या व्हिडिओने यूट्यूबच्या इतिहासात सर्वाधिक लाईव्ह स्ट्रीम व्ह्यूअरशिप मिळवली. तब्बल 19 मिलियन लोकांनी या चॅनलवर हा सोहळा लाईव्ह पाहिला.
नरेंद्र मोदींच्या अधिकृत यूट्यूब चॅनलवरुन या सोहळ्याचे दोन व्हिडिओ ब्रॉडकास्ट करण्यात आले होते. यातील एका व्हिडिओला 10 मिलियन लोकांनी लाईव्ह पाहिलं, तर दुसऱ्या व्हिडिओला 9 मिलियन लोकांनी लाईव्ह पाहिलं. केवळ एका व्हिडिओच्या माध्यमातूनच यूट्यूबवर एक नवा विक्रम प्रस्थापित झाला आहे. या व्हिडिओने चांद्रयान-3 लँडिंग, फिफा वर्ल्डकप सामने या सर्व लाईव्ह व्हिडिओंना मागे टाकलं आहे.
यूट्यूबवर सर्वाधिक पाहिलेल्या लाईव्हस्ट्रीम व्हिडिओंमध्ये पहिल्या क्रमांकावर रामलल्लांचा प्राणप्रतिष्ठा सोहळा आहे. यानंतर दुसऱ्या क्रमांकावर चांद्रयान-3 लँडिंग व्हिडिओ आहे. या व्हिडिओला 8.09 मिलिनय लाईव्ह व्ह्यूअर्स मिळाले होते. यानंतर तिसऱ्या आणि चौथ्या क्रमांकावर 2022 साली झालेल्या फुटबॉल विश्वचषकातील दोन सामने आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
