अ‍ॅपलने नुकतीच आपली नवीन आयफोन सीरीज लाँच केली आहे. iPhone 15 या सीरीजचं ठळक वैशिष्ट्य म्हणजे यामध्ये देण्यात आलेला सी-टाईप चार्जिंग पोर्ट. या पोर्टमुळे आता आयफोन चार्ज करण्यासाठी लाईटनिंग केबलची गरज भासणार नाही.
यामुळेच कित्येक यूजर्सना असाही प्रश्न पडला आहे, की त्यांच्याकडे असणाऱ्या अँड्रॉईड केबलने ते नवा आयफोन-15 चार्ज करू शकतील का? याबाबत अ‍ॅपल कंपनीने स्वतःच स्पष्टीकरण दिलं आहे. अँड्रॉईड केबलने चार्जिंग शक्य असलं, तरी तसं न करण्याचा इशारा कंपनीने यूजर्सना दिला आहे.
अ‍ॅपलने आपल्या आयफोनसाठी नवीन यूएसबी सी-टू-सी चार्जिंग केबल लाँच केली आहे. या केबलमधील टेक्नॉलॉजी आणि अँड्रॉईड केबलमधील टेक्नॉलॉजी वेगळी असल्यामुळे, आयफोनसाठी अँड्रॉईड केबल न वापरण्याचा सल्ला कंपनीने दिला आहे. असं केल्यास, फोन गरम होत असल्याचा इशाराही अ‍ॅपलने दिला आहे.
iPhone 15 सीरीजमधील फोन चार्ज करण्यासाठी अँड्रॉईड केबलचा वापर केल्यास या फोनमध्ये हीटिंग इश्यू येत असल्याचा दावा काही रिपोर्ट्समध्ये करण्यात आलाय. यामुळेच अ‍ॅपल स्टोअरकडूनही ग्राहकांना अ‍ॅपलचीच चर्जिंग केबल घेण्याचा सल्ला दिला जात आहे.
आयफोन-15 सोबत आपण कंपनीचीच केबल घ्यावी यामुळे अ‍ॅपल असा इशारा देत असल्याचं मत कित्येक ग्राहकांनी व्यक्त केलं आहे. मात्र, कोणताही मोबाईल वापरत असताना, शक्यतो त्या मोबाईलसोबत मिळणारा किंवा त्या कंपनीचाच चार्जर आणि केबल वापरावी असा सल्ला दिला जातो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.