भारताची तिसरी चंद्रमोहीम असणाऱ्या 'चांद्रयान-३'चं काउंट डाऊन सुरू झालं आहे. अवघ्या काही तासांमध्ये हे चांद्रयान अंतराळात झेप घेईल. संपूर्ण देशासाठी हा एक ऐतिहासिक क्षण असणार आहे. त्यामुळे, या क्षणाचे साक्षीदार होण्यासाठी सर्वच आतुर आहेत.
तुम्हालाही चांद्रयान-३ चे प्रक्षेपण लाईव्ह पाहायचे असेल, तर त्यासाठी विविध पर्याय उपलब्ध आहेत. टीव्हीवर जर तुम्हाला हे लाँचिंग पहायचं असेल, तर दूरदर्शनवर याचं थेट प्रक्षेपण केलं जाईल. आज दुपारी २.३५ मिनिटांनी चांद्रयान-३ लाँच केलं जाईल.
इतर पर्याय
तुम्ही इस्रोच्या अधिकृत यूट्यूब चॅनलवर (youtube.com/watch?v=q2ueCg) देखील या लाँचचं थेट प्रक्षेपण पाहू शकता. यासोबतच इस्रोचं अधिकृत फेसबुक पेज (facebook.com/ISRO), आणि इस्रोच्या अधिकृत वेबसाईटवर (isro.gov.in) देखील याचं लाईव्ह टेलिकास्ट करण्यात येईल.
महत्त्वाकांक्षी मोहीम
या मोहिमेच्या माध्यमातून भारत चंद्राच्या दक्षिण भागात उतरणार आहे. ही मोहीम यशस्वी झाल्यास, चंद्रावर उतरणारा भारत चौथा देश ठरेल. तर, चंद्राच्या दक्षिण भागात उतरणारा जगातील पहिलाच देश ठरण्याचा मान भारताला मिळणार आहे.
आंध्र प्रदेशातील श्रीहरीकोटा येथे असणाऱ्या सतीश धवन अंतराळ संशोधन केंद्रावरुन चांद्रयान-३ लाँच केले जाईल. यासाठी एलएमव्ही-३ या रॉकेटचा वापर करण्यात येणार आहे. आज लाँच झाल्यानंतर २३ किंवा २४ ऑगस्ट रोजी चांद्रयान चंद्रावर लँड होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
