चांद्रयान-3 मोहिमेबाबत एक मोठी अपडेट समोर आली आहे. अगदी अंतिम टप्प्यात असलेली ही मोहीम नियोजित वेळेनुसार यशस्वीपणे सुरू असल्याचं इस्रोने स्पष्ट केलं आहे. एका एक्स पोस्टमध्ये इस्रोने याबाबत माहिती दिली. यासोबतच लँडर मॉड्यूलमधील कॅमेऱ्याने टिपलेला चंद्राचा आणखी एक व्हिडिओ इस्रोने पोस्ट केला आहे.
इस्रोने आपल्या पोस्टमध्ये चांद्रयानाच्या हेल्थबाबत अपडेट दिली आहे. चांद्रयान-3 मोहीम ही नियोजित वेळेनुसार सुरू आहे. सर्व यंत्रणांची नियमित तपासणी सुरू आहे, आणि विक्रम लँडरचा प्रवास अगदी आरामात सुरू असल्याचं इस्रोने म्हटलं आहे.
सोबतच, चांद्रयानाच्या मिशन ऑपरेशन्स कॉम्प्लेक्समध्ये (MOX) अगदी उत्साहाचं वातावरण असल्याचंही इस्रोने सांगितलं.
यासोबतच इस्रोने या पोस्टमध्ये एक नवीन व्हिडिओही शेअर केला आहे. लँडर पोझिशन डिटेक्शन कॅमेऱ्याने 19 ऑगस्ट रोजी टिपलेला चंद्राचा हा व्हिडिओ आहे. या दिवशी विक्रम लँडर हे चंद्रापासून 70 किलोमीटर उंचीवर होतं.
चांद्रयान-3 हे उद्या (23 ऑगस्ट) चंद्रावर उतरणार आहे. लँडिंगच्या या ऑपरेशनचं थेट प्रक्षेपण हे सायंकाळी 5.20 वाजता सुरू होईल, तसेच 6 वाजून 4 मिनिटांनी लँडिंगची प्रक्रिया पूर्ण होईल; असंही इस्रोने स्पष्ट केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
