चॅटजीपीटी हा एआय चॅटबॉट आर्टिफिशिअल इंटेलिजन्सचा एक महत्त्वाचा टप्पा म्हणता येईल. आतापर्यंत केवळ कम्प्युटरवर आणि आयफोनवर उपलब्ध असणारं हे एआय टूल आता अँड्रॉईड मोबाईलवरही उपलब्ध होणार आहे.
बऱ्याच काळापासून यूजर्सना या अँड्रॉईड अ‍ॅपची प्रतीक्षा होती. आता गुगलच्या प्ले स्टोअरवर यासाठी रजिस्ट्रेशन सुरू करण्यात आलं आहे. प्ले स्टोअरवर या अ‍ॅपचे काही फोटोदेखील शेअर केले आहेत, ज्यामुळे याचा इंटरफेस कसा असेल याची झलक आपल्याला दिसू शकते.
ओपन एआयने आतापर्यंत हे स्पष्ट केलेलं नाही की हे अ‍ॅप कोणत्या देशामध्ये सर्वात आधी लाँच होईल. एकाच वेळी अनेक देशांमध्ये हे अ‍ॅप लाँच केले जाण्याची शक्यता देखील वर्तवण्यात येत आहे.
गेल्या वर्षी नोव्हेंबर महिन्यात चॅटजीपीटी हा चॅटबॉट लाँच करण्यात आला होता. अवघ्या पाच दिवसांमध्ये या एआय टूलचे १ मिलियन यूजर्स पूर्ण झाले होते.
असं करा रजिस्टर
साधारणपणे पुढच्या आठवड्यात हे अ‍ॅप लाँच होण्याची शक्यता आहे. सध्या प्ले स्टोअरवर तुम्ही याचं प्री-रजिस्ट्रेशन करू शकता. यासाठी तुम्हाला गुगलच्या प्ले स्टोअरवर जाऊन ChatGPT सर्च करायचं आहे. त्यानंतर ओपन एआयचं चॅट जीपीटी अ‍ॅप सिलेक्ट करून, त्याठिकाणी असणाऱ्या इन्स्टॉल बटणावर क्लिक करायचं आहे. हे बटण निळ्या रंगामध्ये दिसेल, तसंच त्याच्या बाजूला घड्याळाचं चिन्ह असेल.
यानंतर तुम्हाला एक सूचना मिळेल, ज्यात असं सांगण्यात येईल की हे अ‍ॅप अव्हेलेबल झाल्यानंतर तुमच्या मोबाईलमध्ये आपोआप इन्स्टॉल होईल. यानंतर तुमचं रजिस्ट्रेशन पूर्ण होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
