Citroen C3 Aircross Automatic SUV Price : फ्रेंच वाहन निर्मिती कंपनी 'सिट्रॉन'ने भारतात आपल्या C3 Aircross एसयूव्ही कारचं ऑटोमॅटिक मॉडेल लाँच केलं आहे. ही कार भारतातील ग्राहकांना लक्षात घेऊन व स्थानिक वातावरणाला साजेशा पद्धतीने विकसित व उत्पादित करण्यात आली आहे. या गाडीच्या मॅन्युअल मॉडेलची किंमत 9.99 लाख रुपयांपासून सुरू होते, तर ऑटोमॅटिक मॉडेलची किंमत 12,84,000 रुपयांपासून सुरू होत आहे.
ही मध्यम आकाराची एसयूव्ही भारतीयांसाठी अगदी परवडणाऱ्या दरात उपलब्ध आहे. ऑटोमॅटिक कार असल्यामुळे शहरांमध्ये, ट्रॅफिकमध्ये देखील ही कार अगदी आरामात चालवू शकणार आहात. या कारचं मायलेज देखील इतर ऑटोमॅटिक एसयूव्हींच्या तुलनेत अगदीच चांगलं आहे. ही कार एक लीटर पेट्रोलमध्ये १७.६ किलोमीटर अंतर कापेल, असा दावा कंपनीने केला आहे. (Citroen C3 Aircross Automatic Mileage)
या कारमध्ये ‘सिट्रॉन कनेक्ट’ हे फिचर देण्यात आले असून, त्यात रिमोट इंजिन स्टार्ट, रिमोट एसी प्री-कंडिशनिंग असे विविध ४० स्मार्ट फिचर्स देण्यात आले आहेत. ही भारतातील पहिली मिड साईज एसयूव्ही आहे ज्यामध्ये 5+2 फ्लेक्सी प्रो सीटिंग मिळते, असंही कंपनीने आपल्या वेबसाईटवर म्हटलं आहे. यामध्ये सेफ्टीसाठी ड्युअल एअरबॅग्स, हिल होल्ड असिस्ट, एबीएस आणि इतर फीचर्स दिले आहेत. (Citroen C3 Aircross Automatic features)
ही कार देशातील ५३ शहरांतील ५८ शोरूममध्ये सध्या उपलब्ध आहे. यासंदर्भात कंपनीने व्यवस्थापकीय संचालक आदित्य जयराज म्हणाले, ‘‘आम्ही नावीन्यता, कामगिरी व किंमत हे तीन निकष एकत्र करीत भारतीयांसाठी ही कार सादर केली आहे. सी३ एअरक्रॉस वाहन चालवण्याच्या अनुभव, वैविध्य व आराम शोधणाऱ्या ग्राहकांसाठी पर्वणी ठरेल, याची आम्हाला खात्री आहे.’’ ही गाडी पुण्यात दाखल झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
