काही दिवसांपूर्वी चांद्रयान-3 मोहीम यशस्वीपणे पार पाडल्यानंतर, आज इस्रोने आणखी एक मोठी कामगिरी केली आहे. भारताची पहिली सौर मोहीम असलेल्या 'आदित्य एल-1'चे आज यशस्वी प्रक्षेपण करण्यात आले. यावेळी सतीश धवन स्पेस सेंटरवर जमलेल्या लोकांनी 'भारत माता की जय' अशा घोषणा देत आपला आनंद व्यक्त केला.
आज सकाळी 11:50 वाजता आदित्य उपग्रहाचे पीएसएलव्ही रॉकेटच्या मदतीने प्रक्षेपण करण्यात आले. श्रीहरीकोटा येथील सतीश धवन स्पेस सेंटरवर असणाऱ्या दुसऱ्या लाँचिंग पॅडवरुन PSLV अवकाशात झेपावलं. हा सोहळा याचि देही याचि डोळा पाहण्यासाठी स्पेस सेंटरजवळ नागरिकांनी मोठ्या प्रमाणात गर्दी केली होती.
या यानाचं प्रक्षेपण झाल्यानंतर उपस्थित नागरिकांनी एकच जल्लोष केला. त्यांनी आनंदाने 'भारत माता की जय..' अशा घोषणाही दिल्या. हा एक अविस्मरणीय क्षण असल्याचं मत तिथे उपस्थित लोकांनी व्यक्त केलं. काही जण तर केवळ या ऐतिहासिक क्षणाचे साक्षीदार होण्यासाठी मुंबईवरुन श्रीहरीकोटा येथे गेले होते.
आदित्य एल-1 ही सूर्याचा अभ्यास करण्यासाठी आखण्यात आलेली मोहीम आहे. यामध्ये आदित्य हा उपग्रह पृथ्वीपासून 15 लाख किलोमीटर दूर असणाऱ्या L1 या लॅग्रेंज पॉइंटवर प्रस्थापित करण्यात येणार आहे. सुमारे चार महिने प्रवास करून 'आदित्य' याठिकाणी पोहोचणार आहे.
आज 11:50 वाजता लाँच केल्यानंतर सुमारे एका तासाने आदित्य उपग्रह पीएसएलव्ही रॉकेटपासून वेगळा झाला. यानंतर हे प्रक्षेपण यशस्वी झाल्याचं इस्रोने जाहीर केलं. आता 18 सप्टेंबरपर्यंत हा उपग्रह पृथ्वीच्याच कक्षेत असणार आहे. त्यानंतर हा पृथ्वीच्या कक्षेतून बाहेर पडेल आणि L1 च्या दिशेने आपला प्रवास सुरू करेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
