सध्या सगळीकडे एआय आणि क्रिप्टोकरन्सीच्या चर्चा सुरू आहे. एआय लोकांच्या नोकऱ्या खाणार हे कित्येक जण सांगताना दिसतात. मात्र, याच एआयने एका तरुणाचं आयुष्य बदलून टाकलंय. सायप्रस देशातील तरुणाने एआयच्या मदतीने तब्बल एक कोटींहून अधिक रुपये कमावले आहेत.
32 वर्षांच्या ओले लेहमॅन नावाच्या तरुणाची ही गोष्ट आहे. हा तरुण क्रिप्टोमध्ये गुंतवणूक करुन कमाई करत होता. गेल्या सहा वर्षांपासून या माध्यमातून तो उदरनिर्वाह करत होता. मात्र, 11 नोव्हेंबर 2022 रोजी, एफटीएक्स क्रॅश झालं. यामुळे या तरुणाने जवळपास आपली आयुष्यभराची कमाई क्रिप्टोमद्ये गमावली.
यानंतर काही दिवसांनी लेहमॅनल चॅटजीपीटीबद्दल माहिती मिळाली. याबाबत थोडाफार अभ्यास केल्यानंतर, जानेवारी 2023 मध्ये लेहमॅनने एक एक्स (ट्विटर) अकाउंट सुरू केलं. या अकाउंटवरुन तो एआयबाबत टिप्स आणि माहिती पोस्ट करत होता.
पुढे एप्रिलमध्ये त्याने 'दि एआय सोलोप्रन्योर' नावाने आणखी एक एक्स अकाउंट सुरू केलं. या अकाउंटच्या माध्यमातून त्याने सोलो उद्योजकांना आपलं प्रॉडक्शन वाढवण्यासाठी एआयचा वापर कसा करता येईल याबाबत टिप्स देण्यास सुरुवात केली. लोकांना याचा फायदा होऊ लागला.
या टिप्स लोकांना भरपूर आवडू लागल्या. यानंतर अवघ्या दोन महिन्यांमध्ये या एक्स अकाउंटला 1 लाखांहून अधिक फॉलोवर्स मिळाले. यानंतर लेहमॅनने 'एआय ऑडियन्स एक्सेलेरेटर' नावाचा एक कोर्स लाँच केला. हा नवीन आणि लहान उद्योजकांच्या मदतीसाठी कोर्स होता.
179 डॉलर एवढ्या किंमतीचा हा कोर्स होता. अवघ्या एका महिन्याच्या काळात तब्बल 1,078 लोकांनी हा कोर्स विकत घेतला. यामुळे एका महिन्यातच या तरुणाची एक कोटींहून अधिक कमाई झाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
