आयसीसी मेन्स क्रिकेट वर्ल्डकप आजपासून सुरू झाला आहे. डिज्नी+हॉटस्टार अ‍ॅपवर या विश्वचषकातील सामने मोफत पाहता येणार आहेत. यूजर्सना अधिक चांगल्या प्रकारे हे सामने पाहता यावेत यासाठी कंपनीने काही नवीन फीचर्स लाँच केले आहेत.
Disney+Hotstar ने आपले लाईव्ह फीड आणि व्हिडिओ स्ट्रीमिंग फीचर अपग्रेड केले आङेत. यामध्ये एआय-बेस्ड व्हिडिओ क्लॅरिटी सुधारणा करण्यात आल्या आहेत. कंपनीने एक नवीन 'मॅक्स व्ह्यू' हे फीचरही लाँच केलं आहे. यूजर्सना याचा सर्वात जास्त फायदा होणार आहे.
कंपनीने आयसीसीसोबत मिळून MaxView हे फीचर लाँच केलं आहे. या फीचरमुळे यूजर्सना पोर्ट्रेट मोड, म्हणजेच व्हर्टिकल व्ह्यूमध्ये सामने पाहता येणार आहेत. सामन्याचं लाईव्ह फीड, स्कोअरकार्ड आणि जाहिराती देखील व्हर्टिकल असणार आहेत. म्हणजेच आता यूजर्सना सामने पाहण्यासाठी आपला फोन आडवा करण्याची गरज भासणार नाही.
डिज्नी+हॉटस्टारने आपली व्हिडिओ डिलिव्हरी ऑप्टिमाईज केली आहे. यामुळे हाय-क्वालिटी व्हिडिओ स्ट्रीमिंगचा अनुभव यूजर्सना येणार आहे. विशेष म्हणजे, यासाठी अगदी कमी डेटाचा वापर होणार आहे. त्यामुळे यूजर्स कोणत्याही अडथळ्याशिवाय संपूर्ण सामना स्ट्रीम करू शकणार आहेत.
दुसरं एखादं काम करत असतानाही मॅचच्या स्कोअरवर लक्ष ठेवणं आता सोपं होणार आहे. डिज्नी+हॉटस्टारने अलवेज-ऑन क्रिकेट स्कोअरकार्ड पिल हे फीचर लाँच केलं आहे. ही फ्लोटिंग टॅब तुम्हाला स्क्रीनवर छोट्या बॉक्समध्ये स्कोअर दाखवत राहील.
या टॅबमध्ये यूजर्सना सामन्यात काय सुरू आहे याची कमेंट्री वाचायला मिळणार आहे. प्लेयर स्टेटस, मॅच अपडेट्स अशा गोष्टींची माहिती यामध्ये मिळणार आहे.
डिज्नी+हॉटस्टारने एक 'कमिंग सून' टॅबही लाँच केला आहे. यामध्ये यूजर्सना पुढील मॅचसाठी रिमाईंडर देखील लावता येणार आहे. सोबतच, फ्री आणि पेड कंटेंट हे वेगवेगळ्या ट्रेमध्ये असणार आहेत, ज्यामुळे फ्री यूजर्सना अधिक सोप्या पद्धतीने कंटेंट डिलिव्हरी होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
