ISRO Gaganyaan Mission: भारतीय अंतराळ संशोधन संस्था (ISRO) आज श्रीहरिकोटा चाचणी श्रेणीतून गगनयान मिशन (TV-D1) चे पहिले यशस्वी चाचणी उड्डाण तांत्रिक कारणामुळे रद्द करण्यात आलं. आज (शनिवार) गगनयान मोहिमेसाठी चाचणी उड्डाण TV-D1 प्रक्षेपित करण्यात येणार होते.
मात्र उड्डाणासाठी ५ सेकंद बाकी असताना उड्डाण होल्ड करण्यात आले. यामध्ये तांत्रिक अडचणी आल्याचे इस्रो प्रमुख एस सोमनाथ यांनी स्पष्ट केले. गगनयान मोहिमेतील अंतराळवीरांच्या सुरक्षेसाठी ही चाचणी अत्यंत महत्त्वाची होती. (Latest Marathi News)
गगनयानची पहिली फ्लाइट टेस्ट व्हेईकल अॅबॉर्ट मिशन-1 (TV-D1) लाँच होल्डवर
इस्रोचे प्रमुख एस सोमनाथ म्हणाले, "लिफ्ट ऑफ करण्याचा प्रयत्न आज होऊ शकला नाही. इंजिनचे प्रज्वलन (ignition) ठरल्याप्रमाणे झाले नाही, काय चूक झाली हे शोधून काढायला हवे. सुरक्षित आहे, आम्हाला काय झाले ते पाहण्याची गरज आहे...आम्ही लवकरच परत चाचणी घेऊ. कार्यरत असलेल्या संगणकाने लॉन्च थांबवले आहे. आम्ही ते दुरुस्त करू आणि लवकरच लॉन्च शेड्यूल करू.."
एस सोमनाथ म्हणाले की, गगनयान मोहिमेचे पहिले चाचणी उड्डाण आज होऊ शकले नाही. सुरुवातीला सकाळी ८ वाजता प्रक्षेपण होणार होते, मात्र खराब हवामानामुळे प्रक्षेपणाची वेळ बदलून सकाळी ८.४५ करण्यात आली. इंजिन योग्यरित्या प्रज्वलित झाले नाही. त्याच्याकडून काय चूक झाली हे आम्ही शोधत आहोत. रॉकेटमध्ये बसवलेले वाहन सुरक्षित आहे. काय चूक झाली हे पाहण्यासाठी आम्ही लॉन्च साइटवर जात आहोत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
