Google ने बुधवारी जाहीर केले की कंपनीची US ऑफीस आणि डेटा सेंटर्समध्ये तब्बल $9.5 अब्ज गुंतवण्याची योजना आखली आहे, जी गेल्या वर्षीच्या तुलनेत $7 बिलियन इतकी जास्त आहे. दरम्यान Google ने सांगितले की $9.5 बिलियन गुंतवणुकीसह, कंपनी 2022 मध्ये 12,000 पूर्णवेळ नोकऱ्या निर्माण करेल. तसेच कंपनीचे संपूर्ण लक्ष डेटा सेंटरवर आहे. कंपनी नवाडा, व्हर्जिनिया आणि नेब्रास्का सारख्या अनेक यूएस राज्यांमधील डेटा सेंटरमध्ये कर्मचारी भरती करेल. तसेच कंपनी यावर्षी अटलांटा येथे नवीन कार्यालय उघडणार आहे. याव्यतिरिक्त, स्टोरी काउंटी आणि नवाडा येथे डेटा सेंटरचा विस्तार केला जाईल.
Google ने म्हटले आहे की, फिजीकल कार्यालयात गुंतवणूक करण्याची कंपनीची योजना थोडी विचित्र वाटू शकते, कारण सध्याच्या युगात अधिकाधिक लोक व्हर्चुअल काम करत आहेत. कामाची पद्धत सहज ठेवण्याचा प्रयत्न करत असल्याचे कंपनीचे म्हणणे आहे. मात्र असे असूनही कंपनी कार्यालयातील गुंतवणूक पूर्वीपेक्षा अधिक महत्त्वाची मानते.
कार्यालयातून कामावर भर
सुरुवातीच्या टप्प्यात गुगलने तीन दिवस कार्यालयातून काम करण्याचा पर्याय अनिवार्य केला आहे. असे करून कंपनी यूएस, यूके आणि एशिया पॅसिफिकमधील आपल्या कर्मचाऱ्यांना कार्यालयात परत आणण्याचा प्रयत्न करत आहे. गुगलने नुकतेच कार्यालयात परत येणाऱ्या कर्मचाऱ्यांना मोफत इलेक्ट्रिक स्कूटर देण्याची घोषणा केली होती.
Google ने सांगितले की कंपनी कॅलिफोर्नियाच्या त्याच्या होम टाऊन कार्यालयांमध्ये गुंतवणूक करणे सुरू ठेवेल आणि त्याचे $1 अब्ज इतक्या किंमतीची घरे देण्याचे धोरण सुरू ठेवण्याची घोषणा केली. गेल्या वर्षी, Google ने त्याच्या इकॉनॉमिक इम्पॅक्ट रिपोर्ट 2021 नुसार, यूएस व्यवसाय, डिझाइनर आणि विकासकांसाठी $617 अब्ज आर्थिक कामकाजालाठी दिले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
