Google Search: एकनाथ शिंदेंची हवा! सर्वाधिक सर्च केलेल्या व्यक्तींच्या यादीत अ‍ॅम्बर हर्डला टाकलं मागे

Google's Year in Search 2022: सर्वात मोठे सर्च इंजिन असलेल्या गुगलवर आपण असंख्य गोष्टी सर्च करत असतो. खासकरून, भारतीय लोक गुगलवर असंख्य विचित्र गोष्टी सर्च करत असतात. २०२२ मध्ये काही भारतीय व्यक्ती वेगवेगळ्या कारणांमुळे विशेष चर्चेत होत्या. २०२२ हे वर्ष संपायला आता अवघे काही दिवस बाकी असून, या निमित्ताने गुगलने वर्षभरात सर्वाधिक सर्च करण्यात आलेल्या भारतीय व्यक्तींची लिस्ट जारी केली आहे.

हेही वाचा- Sextortion: भारत ही सेक्सटॉर्शनची जागतिक राजधानी होतेय का?

गुगलच्या या लिस्टमध्ये मुख्यमंत्री एकनाथ शिंदेंपासून ते अभिनेत्री सुश्मिता सेनचा देखील समावेश आहे. सुश्मिता सेन आणि आयपीएले माजी चेअरमॅन ललित मोदी यांनी प्रेमाची कबुली दिली होती. त्यामुळे ते दोघं चर्चेत आले होते. याशिवाय, राष्ट्रपती द्रौपदी मुर्मू, ब्रिटनचे पंतप्रधान ऋषी सुनक यांनी देखील या यादीमध्ये स्थान मिळवले आहे.

२०२२ मध्ये गुगलवर या १० भारतीय व्यक्तींचीच चर्चा

1. नुपूर शर्मा

2. द्रौपदी मुर्मू

3. ऋषी सुनक

4. ललित मोदी

5. सुश्मिता सेन

6. अंजली अरोरा

7. अब्दु रोझिक

8. एकनाथ शिंदे

9. प्रविण तांबे

10. अ‍ॅम्बर हर्ड

२०२२ मध्ये सर्वाधिक सर्च करण्यात आलेल्या भारतीय व्यक्तींमध्ये माजी भाजप नेत्या नुपूर शर्मा टॉपवर आहेत. नुपूर शर्मा या इस्लाम धर्मियांचे प्रेषित पैगंबर मोहम्मद यांच्याशी संबंधी आक्षेपार्ह विधान केल्यामुळे चर्चेत आल्या होत्या. लिस्टमध्ये मुख्यमंत्री एकनाथ शिंदे आठव्या क्रमांकावर आहेत. जॉनी डेप आणि त्याची पूर्वपत्नी अ‍ॅम्बर हर्ड यांच्या वादाची देखील यावर्षी विशेष चर्चा झाली. अ‍ॅम्बर हर्डने देखील या यादीत स्थान मिळवले आहे. याशिवाय क्रिकेटपटू प्रविण तांबे, सोशल मीडिया स्टार अब्दु रोझिक आणि अंजली अरोरा यांनी देखील लिस्टमध्ये स्थान मिळवले आहे.