UPI : आपण सर्वच कधी ना कधी अशा परिस्थितीत अडकलेले असतो जिथे आपल्याला त्वरित पेमेंट करायची असते पण इंटरनेट कनेक्शन काम करत नाही. UPI (Unified Payments Interface) वापरण्याची सवय आणि गरज वाढत असल्याने आपल्याला अशा वेळेस अडचण येऊ शकते. पण चिंता करू नका. आता इंटरनेट नसतानाही UPI द्वारे पैसे पाठवणे शक्य आहे.
फोनवरुन एक विशेष USSD कोड डायल करून तुम्ही सहजतेने पेमेंट करू शकता. National Payments Corporation of India (NPCI) द्वारे सुरू केलेली ही सेवा तुम्हाला इंटरनेट नसतानाही बँकेची अनेक कामं करण्याची परवानगी देते. *99# हा USSD कोड वापरून तुम्ही पैसे पाठवणे, पैसे मागवणे, खाते तपासणे आणि UPI पिन सेट करू शकता. चला तर मग या सोप्या पद्धतीने *99# वापरून कसे पैसे पाठवायचे ते जाणून घेऊया.
तुमच्या बँकेशी लिंक असलेल्या मोबाईल नंबरवरून *99# डायल करा.
तुमच्या स्क्रीनवर बँकेची उपलब्ध असलेली सेवांची यादी दिसेल. यामध्ये 'पैसे पाठवा' (Send Money), 'पैसे मागवा' (Request Money), 'बॅलन्स तपासा' (Check Balance), 'माझा प्रोफाइल' (My Profile), 'प्रलंबित विनंती' (Pending Request), 'व्यवहार' (Transactions) आणि 'UPI पिन' (UPI Pin) यासारखे पर्याय असतील.
पैसे पाठवायचे असल्यास '1' टाइप करा आणि ' पाठवा' (Send) वर टॅप करा.
पैसे पाठवण्याची पद्धत निवडा: फोन नंबर, UPI ID, जतन केलेला लाभार्थी (Saved Beneficiary) किंवा इतर पर्याय. तुमच्या निवडीचा क्रमांक टाइप करा आणि ' पाठवा' (Send) वर टॅप करा.
जर तुम्ही मोबाईल नंबर वापरून पैसे पाठवत असाल तर, प्राप्तकर्त्याचा UPI खात्याशी लिंक असलेला मोबाईल नंबर टाइप करा आणि ' पाठवा' (Send) वर टॅप करा.
तुम्ही पाठवू इच्छित असलेली रक्कम एंटर करा आणि ' पाठवा' (Send) वर टॅप करा आणि पेमेंटसाठी नोंद करा.
व्यवहार पूर्ण करण्यासाठी तुमचा UPI पिन एंटर करा.
तुमच्या UPI पेमेंटवर यशस्वीरित्या ऑफलाइन प्रक्रिया केली जाईल.
चांगली गोष्ट म्हणजे तुम्ही ही सेवा बंद देखील करू शकता. UPI सेवा ऑफलाइन बंद करण्यासाठी तुमच्या नोंदणीकृत फोन नंबरवरून *99# डायल करा आणि दिलेल्या सूचनांचे पालन करा.
याशिवाय, इंटरनेटची समस्या नसताना बँकेच्या सेवांमध्ये अडचण आल्यास तुम्ही UPI Lite वापरून पटकन पैसे पाठवू शकता. UPI Lite वापरण्यासाठी पासकोडची आवश्यकता नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
