Whatsapp Tips : व्हॉट्सॲपवर ब्लॉक झाल्याची शंका आहे? फक्त नो डीपी नाही तर 'या' 4 हिंट्स मधून कळेल तुमचा नंबर ब्लॉक आहे की अनब्लॉक

Whatsapp : व्हॉट्सॲपवर कोणी तुम्हाला ब्लॉक केलंय का? याची शंका असल्यास काय करायचं? टेन्शन घेऊ नका तुमच्या मनातली शंका दूर करण्यासाठी काही सोप्या गोष्टी आहेत. याच्या मदतीने तुम्हाला सहज समजू शकते की, कोणी तुम्हाला ब्लॉक केलं आहे की नाही.

प्रोफाइल आणि स्टेटस

ज्या व्यक्तीशी कॉनटॅक्ट करायचा प्रयत्न करत आहात त्याचे प्रोफाइल पिक्चर आणि स्टेटस दिसत नाहीत तर ही चिन्ह असू शकते की तुम्हाला ब्लॉक करण्यात आलं आहे.

ब्लू टिक मिळत नाही

पाठवलेल्या मेसेजवर फक्त दोन ब्लॅंक टिक दिसत आहेत. तर हे देखील ब्लॉक असण्याची शंका निर्माण करते. कारण पाठवलेला मेसेज समोरच्या व्यक्तीपर्यंत पोहोच जर झाला असेल तर दोन ब्लू टिक दिसायला हवेत.

लास्ट सीन गायब

समोरच्या व्यक्तीचा लास्ट सीन दिसत नाही. ही गोष्ट ब्लॉकची शंका वाढवते. पण लक्षात ठेवा, कधी कधी लोकं स्वतःच लास्ट लपवून ठेवतात.

ग्रुपमध्ये जोडता येत नाही

सर्वात महत्वाची हिंट म्हणजे तुमच्या कॉन्टॅक्टमध्ये असलेली एखादी व्यक्ती ग्रुपमध्ये जोडता येत नाही तर शंभर टक्के त्या व्यक्तीने तुम्हाला ब्लॉक केले आहे.

कॉल कनेक्ट होत नाही

ज्या व्यक्तीशी संवाद साधू इच्छित आहात त्याला व्हॉट्सॲप कॉल करता येत नाही. तर ही ब्लॉकची सर्वात सोपी खूण आहे. कारण ब्लॉक केलेल्या व्यक्तीला कॉल कनेक्ट होणार नाही.

वर दिलेल्या गोष्टींचा समावेश असेल तर तुम्हाला ब्लॉक केले गेले यात काहीच शंका नाही. विशेष म्हणजे तुम्ही ग्रुपमध्ये अॅड करायची कल्पना वापरुन बघा. त्यातून तुम्हाला काही क्षणातच कळेल की तुमचा नंबर ब्लॉक आहे की अनब्लॉक.