![AC Light Bill](http://media.assettype.com/esakal%2F2024-05%2F8844b6a4-50bf-45f7-b4ea-dafb2aeb2e2d%2FAC_Light_Bill.jpg?w=480&auto=format%2Ccompress&fit=max)
Electricity Bill Saving Tips : यंदाच्या वर्षी अगदी एप्रिल महिन्याच्या सुरुवातीपासूनच उन्हाचा तडाखा बसण्यास सुरुवात झाली आहे. त्यामुळे घरा-घरांमध्ये सतत एसी सुरू असलेला दिसत आहे. यामुळे उकाडा कमी होत असला, तरी वीज बिल वाढत असल्याचं दिसत आहे. एसीचा वापर कायम ठेऊनही जर वीज बिल कमी करायचं असेल, तर काही टिप्स तुम्ही ट्राय करू शकता.
अनेकदा लोक स्वस्तात मिळतोय म्हणून 2 स्टार किंवा 3 स्टार एसी खरेदी करतात. मात्र हा एसी पुढे जाऊन महागात पडतो. जुन्या मॉडेलचा एसी खरेदी केल्याने वीजेचा वापर लक्षणीय वाढतो. अशा परिस्थितीत वीज बिलही जास्त येते. त्यामुळे एसी घेताना थोडा महाग पडला, तरीदेखी चांगल्या ब्रँडचा 5 स्टार एसी घेण्याला प्राधान्य द्यावं. (5 Star AC)
योग्य तापमानात एसी चालवल्यास विजेच्या बिलात नक्कीच बचत होईल. ब्युरो ऑफ एनर्जी इफिशियन्सी (बीईई) नुसार, आपल्या शरीरासाठी सर्वोत्तम तापमान 24 अंश सेल्सिअस आहे. या तापमानात एसी वापरल्यास तुमचे बिल नक्कीच कमी होईल. अनेक वेळा एसीचे तापमान कमी करून लोक झोपतात, त्यामुळे वीज बिलही वाढते. (AC ideal temperature)
अनेक वेळा लोक एसी बंद करण्यासाठी रिमोटचा वापर करतात. मात्र मेन स्वीच बंद करायला विसरून जातात. फक्त एसी बंद करून चालणार नाही, तर मेन स्विचही बंद करावा लागेल, नाहीतर वीज बिल जास्त येऊ शकते.
यासोबत, जर तुम्ही रात्री एसी वापरत असाल तर तुम्ही टायमर सेट करू शकता. यामुळे तुमचा एसी निर्धारित वेळेनंतर आपोआप बंद होईल. पर्यायाने विजेचा वापरही कमी होईल. (How to set AC timer)
एसी चालवताना हेही लक्षात ठेवा की तुम्ही ज्या खोलीत एसी चालवत आहात, त्या खोलीच्या खिडक्या आणि दरवाजे बंद असले पाहिजेत. यामुळे तुमच्या घराला पुरेसे कूलिंग मिळेल आणि कूलिंगसाठी जास्त वेळ एसी चालवावा लागणार नाही.
यासोबतच एसीची वेळोवेळी सर्व्हिसिंग करणं देखील महत्त्वाचं आहे. जुने झालेले एसी अधिक एनर्जी खर्च करतात आणि त्यामुळे वीज बिल देखील वाढतं. मात्र, वेळोवेळी सर्व्हिसिंग केल्यास एसी नव्यासारखा राहतो आणि पर्यायाने कमी उर्जा वापरतो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.