ट्विटरला टक्कर देण्यासाठी इन्स्टाग्रामने थ्रेड्स हे अ‍ॅप लाँच केलं होतं. या अ‍ॅपवर पहिल्याच दिवशी यूजर्सना मोठ्या प्रमाणात ग्लिच दिसून येत आहेत. त्यामुळे यूजर्सनी पुन्हा ट्विटरची वाट धरली आहेत. या ग्लिचचे कित्येक स्क्रीनशॉट लोकांनी ट्विट केले आहेत.
इन्स्टाग्रामकडून तयार करण्यात आलेलं हे अ‍ॅप ट्विटरला पर्याय ठरणार असल्याच्या चर्चा मोठ्या प्रमाणात सुरू होत्या. अगदी मेटाचे सीईओ मार्क झुकरबर्ग यांनी देखील ११ वर्षांनंतर ट्विट करत इलॉन मस्कला डिवलचं होतं. मात्र, आता यूजर्सना या अ‍ॅपमध्ये ग्लिच दिसून येत आहेत.
ट्विटरवर स्क्रीनशॉट व्हायरल
यूजर्सनी थ्रेड्समधील ग्लिचचे कित्येक स्क्रीनशॉट ट्विटरवर शेअर करण्यास सुरूवात केली आहेत. कित्येक यूजर्सनी याचे व्हिडिओही शेअर केले आहेत. 'आता थ्रेड्स अनइन्स्टॉल करणार आहे', असं कित्येक यूजर्स म्हणत आहेत.
या ग्लिचमुळे यूजर्सना स्क्रीनवर कोणतीही गोष्ट नीट दिसत नाहीये. एका पोस्टवर दुसरी पोस्ट किंवा यूजरनेम ओव्हरलॅप झालेलं दिसत आहे. काही यूजर्सच्या स्क्रीनशॉटमध्ये तर सगळी स्क्रीनच अस्पष्ट दिसत आहे. यामुळे आता लाँचच्या पहिल्याच दिवशी या अ‍ॅपवर मोठ्या प्रमाणात टीका केली जात आहे.
काही तासांमध्ये लाखो डाऊनलोड
लाँच केल्यानंतर अवघ्या काही तासांमध्येच २ दशलक्ष यूजर्सनी हे अ‍ॅप डाऊनलोड केलं होतं. मेटाचे सीईओ मार्क झुकरबर्ग यांनी याबाबत माहिती दिली आहे. कित्येक सेलिब्रिटींनी देखील या अ‍ॅपवर आपलं खातं उघडलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
