Ayodhya Ram Mandir Picture from Space : अयोध्येतील राम मंदिराच्या प्राण प्रतिष्ठा सोहळ्याला आता काही तास शिल्लक आहेत. यादरम्यान भारताची अंतराळ संशोधन संस्था इस्रोने चक्क अंतराळातून या मंदिराचा फोटो टिपला आहे. सॅटेलाईट कॅमेऱ्याच्या माध्यमातून हे मंदिर कसं दिसतंय, हे या फोटोंमधून स्पष्ट होत आहे.
मिळालेल्या माहितीनुसार, हा फोटो डिसेंबर महिन्यातील आहे. धुक्यामुळे हा फोटो थोडा अस्पष्ट असल्याची माहिती इस्रोने दिली आहे. या फोटोमध्ये शरयू नदी, दशरथ महाल, नव्याने तयार केलेलं अयोध्येतील रेल्वे स्टेशन अशी ठिकाणंं दिसत आहेत. (ISRO Ram Mandir Pics)
दरम्यान, गुगल अर्थवर सॅटेलाईट व्ह्यूमध्ये देखील अयोध्येतील श्रीराम मंदिर पाहता येऊ शकतं. अर्थात, हा फोटो जुना असल्यामुळे यामध्ये बांधकामासाठी वापरण्यात येणाऱ्या क्रेन देखील दिसत आहेत. या मंदिराचा परिसर केवढा मोठा आहे याचा अंदाज या फोटोंमधून येतो आहे. तसंच वरच्या अँगलने हे मंदिर कसं दिसतं, हेदेखील यातून पाहता येतंय.
सोमवारी सकाळी 11 वाजेपासून राम मंदिराच्या प्राणप्रतिष्ठा कार्यक्रमाची सुरुवात होणार आहे. दुपारी एक वाजेपर्यंत मुख्य कार्यक्रम पार पडेल. 22 जानेवारी रोजी नागरिकांनी अयोध्येत येऊ नये असं आवाहन पंतप्रधान मोदींनी यापूर्वीच केलं आहे. हा सोहळा तुम्ही दूरदर्शन, यूट्यूब किंवा पीव्हीआर थिएटरमध्ये लाईव्ह पाहू शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
