Sangli : सांगली येथील शासकीय औद्योगिक प्रशिक्षण संस्थेतील (आयटीआय) विद्यार्थ्यांनी एका हातात उचलून नेता येईल, इतकी छोटी तोफ बनविली आहे. पण, ती साधीसुधी नाही बरं का, ही तोफ १०० फूट अंतरावरचे लक्ष्‍यभेद करू शकते.
अभ्यासक्रमात नवनिर्मितीसाठी काहीतरी वेगळे डिझाईन निवडावे म्हणून त्यांनी तोफ निवडली आणि विशेष म्हणजे सांगलीचे खासदार विशाल पाटील यांनी ती डागून उद्‍घाटनदेखील केले.
पूर्वी लाकूड किंवा पंचधातूपासून तोफ बनवली जात होती. तेच शास्त्र वापरून या मुलांनी तोफेचे डिझाईन केले. काही तांत्रिक माहिती मिळवण्यासाठी यू-ट्युबची मदत घेतली. अनेक बारकावे समजून घेतले. दारूगोळा मिळविला.
अखेर, छोटी तोफ तयार झाली. या तोफेची लांबी आहे एक फूट आणि रुंदी ८ इंच. ती हातातून नेता येते. त्यातील छोटा गोळा ८० ते १०० फुटांपर्यंत जातो.
अनिकेत ढेरे, इसाक सनदी, यल्लाप्पा हुलकट्टी, हर्षवर्धन पाटील, राज जाधव, मुल्ला मोदी बाशू, सूरज जाधव, राहुल सूर्यवंशी, तेजस सूर्यवंशी, आदिनाथ पवार या विद्यार्थ्यांनी ही तोफ बनविली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
