AI Regulation Map : जपानचे पंतप्रधान फ्युमिओ किशिदा (Fumio Kishida) यांच्या हस्ते आज ‘जनरेटिव्ह एआय’चा वापर आणि नियमन करण्याबाबतच्या आंतरराष्ट्रीय आराखड्याचे उद्‌घाटन करण्यात आले. अत्यंत वेगाने विस्तारणाऱ्या या तंत्रज्ञानावर नियंत्रण ठेवण्यासाठीचा हा पहिला जागतिक प्रयत्न मानला जात आहे.
पॅरिसमधील आर्थिक सहकार्य आणि विकास संघटनेने आयोजित केलेल्या एका कार्यक्रमात किशिदा यांनी या आराखड्याची घोषणा केली. यावेळी किशिदा म्हणाले, ‘‘जगाला आणखी समृद्ध करण्याची क्षमता ‘जनरेटिव्ह एआय’मध्ये आहे. मात्र, याच तंत्रज्ञानाद्वारे चुकीची माहितीही पसरविली जाण्याची शक्यता असून ती याची काळी बाजू आहे.’’ (Generative AI)
‘एआय’वर नियंत्रण ठेवण्याच्या मुद्द्याकडे जगाचे लक्ष वेधून घेण्यासाठी जपानने मागील वर्षी ‘हिरोशिमा एआय प्रोसेस’ची घोषणा केली होती. याद्वारे ‘एआय’चा विकास करणाऱ्या कंपन्यांसाठी आचारसंहिता आणि मार्गदर्शक तत्त्वे लागू करण्याची मागणी करण्यात आली होती. कोणावरही बंधनकारक नसलेल्या या आराखड्यास ४९ देशांनी मान्यता देऊन तो स्वीकारला होता. आता त्याचा पुढील टप्पा म्हणून आंतरराष्ट्रीय आराखडा जाहीर करण्यात आला आहे. या आराखड्यातील तरतुदी लवकरच प्रसिद्ध केल्या जाणार असल्याचे सूत्रांनी सांगितले.
‘एआय’वर कोणाचे नियंत्रण असावे? (आकडे टक्क्यांमध्ये)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.