Reliance jio 11 rupees data voucher : भारतातील मोठ्या टेलिकॉम कंपन्यांपैकी एक असलेल्या Jio ने आपल्या ग्राहकांसाठी नवीन आणि स्वस्त डेटा वाऊचर बाजारात आणले आहे. या वाऊचरची किंमत फक्त 11 रुपये असून, त्यामध्ये तब्बल 10GB हाय-स्पीड 4G डेटा मिळणार आहे. हा वाऊचर मुख्यत: त्या ग्राहकांसाठी खास आहे, ज्यांचे दैनिक डेटा मर्यादा संपली आहे किंवा अल्पकाळासाठी अतिरिक्त डेटाची गरज आहे.
या वाऊचरची वैधता फक्त 1 तासाची असणार आहे. म्हणजेच, वापरकर्त्याला एक तासाच्या कालावधीत 10GB डेटा वापरण्याची मुभा असेल. मात्र, या वाऊचरमध्ये कॉलिंग किंवा एसएमएस सुविधा उपलब्ध नाही. हा फक्त इंटरनेट वापरासाठी असलेला डेटा वाऊचर आहे.
₹11 च्या या डेटा वाऊचरची सुविधा मायJio ॲप आणि Jio च्या वेबसाइटवर उपलब्ध आहे. सर्वात महत्त्वाचे म्हणजे, हा वाऊचर बेस पॅक शिवाय देखील चालवता येईल, पण त्याचवेळी त्याचा वापर फक्त इंटरनेटसाठीच मर्यादित असेल. जर ग्राहकाकडे कॉलिंग आणि एसएमएस असलेला बेस पॅक असेल, तर त्याबरोबर हा वाऊचर वापरता येईल, ज्यामुळे अन्य दूरसंचार सेवा देखील मिळू शकतात.
Jio चे हे ₹11 चे डेटा वाऊचर प्रीपेड तसेच पोस्टपेड दोन्ही प्रकारच्या ग्राहकांसाठी उपलब्ध आहे. मात्र, काही पोस्टपेड प्लॅनवर हा वाऊचर कार्यरत नसण्याची शक्यता आहे. त्यासाठी ग्राहकांनी मायJio ॲपमध्ये तपशील पाहावा. Jio ने हा वाऊचर भारतातील सर्वात स्वस्त डेटा पॅक म्हणून आणला आहे.
अन्य टेलिकॉम कंपन्यांच्या तुलनेत Jio ने हा प्लॅन अत्यंत स्वस्त दरात उपलब्ध करून दिला आहे. उदाहरणार्थ, Airtel चा सर्वात स्वस्त डेटा प्लॅन ₹49 मध्ये येतो, ज्यामध्ये 1 दिवसासाठी अमर्यादित 4G डेटा मिळतो. तर Vi चा सर्वात स्वस्त प्लॅन ₹23 मध्ये 1GB डेटा मिळतो, ज्याची वैधता 1 दिवस असते.
Jio चा ₹11 डेटा वाऊचर त्यांना उपयुक्त ठरू शकतो, ज्यांना कमी कालावधीसाठी हाय-स्पीड डेटा हवा आहे आणि त्याचबरोबर बजेटमधून परवडणारा पर्याय शोधत आहेत. त्यामुळे आता Jio च्या ग्राहकांना कमी खर्चात भरपूर डेटा मिळवून इंटरनेटचा वापर करता येणार आहे.
Jio ने ₹11 मध्ये 10GB डेटा देऊन ग्राहकांसाठी स्वस्त आणि वेगवान डेटा उपलब्ध करून दिला आहे. कमी किंमतीत हाय-स्पीड डेटा मिळवण्यासाठी हा वाऊचर नक्कीच एक चांगला पर्याय ठरू शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
