तुमचा पर्सनल डेटा होऊ शकतो चोरी, सुरक्षेसाठी वापरा 'या' टिप्स

मुंबई : कोविडच्या पार्श्वभूमीवर जग अधिकाधिक डिजिटल झाले आहे. लोक अधिक वेळ ऑनलाइन राहत असतात. ई-मेल आयडी, फोन नंबर, वेगवेगळे पासवर्ड, बँकेचे तपशील आदी वैयक्तिक तपशील अनेकजण संकेतस्थळांवर तसेच विविध अ‍ॅपवर शेअर करतात त्यामुळे डेटा चोरी होण्याची शक्यता वाढते.

आजकाल अनेक कंपन्या ग्राहकांसोबत जुळण्यासाठी त्यांचा वैयक्तिक डेटा गोळा करतात. परंतु काही घटना लक्षात घेतल्यास वैयक्तिक डेटाचे संरक्षण करण्यासाठी पुरेशी यंत्रणा किंवा उपाययोजना आपल्याकडे उपलब्ध नाही. डेटा चोरीमुळे व्यवसायाला तसेच वैयक्तिकरित्या नागरिकांना मोठा फटका बसतो. ज्या व्यक्तीचा डेटा चोरीला गेला आहे, त्याच्यासाठी हल्लेखोर फिशिंग घोटाळे, बँक खाती हॅक करून, खात्याचा पासवर्ड बदलणे, डेटा चोरी करून बँक कर्ज काढल्या जाऊ शकते. म्हणूनच, ग्राहकांनी त्यांचा डेटा लीक झाला आहे की नाही हे तपासणे आणि त्याबाबत उपाययोजना करणे महत्वाचे आहे.

डेटा चोरीतून कसे वाचावे?

- सोशल मीडियावरील आपले पासवर्डमध्ये वेळोवेळी बदल करत राहा.

- सर्व ऑनलाइन प्लॅटफॉर्मसाठी मजबूत आणि हटके पासवर्ड वापरा

- अकाऊंट लॉगिनसाठी टू-फॅक्टर ऑथेंटिकेशनचा वापर करा

- ईमेलवर आलेल्या संशयास्पद लिंकपासून सावध राहा आणि अनोखळी वेबसाईटवर क्लिक करणे टाळा

- उत्तम दर्जाच्या अँटीव्हायरस सोल्यूशनचा वापर करा.

क्विक हीलच्या मुख्य उत्पादन व्यवस्थापक स्नेहा काटकर म्हणाल्या, "वाढत्या डेटा उल्लंघनामुळे, आम्ही क्विक हील मध्ये डेटा ब्रीच अलर्टसारख्या नवीन गोपनीयता वैशिष्ट्यांचा समावेश करून आमच्या ग्राहकांच्या समस्या सोडविण्यासाठी अद्ययावत झालो आहोत. हे ग्राहकांना त्यांच्या वैयक्तिक डेटाशी तडजोड केल्यास त्वरित सूचना देते आणि त्यानुसार सक्रियपणे त्यापासून बचावाच्या उपाय सूचवते. आमच्या नव्या सुरक्षा उपाययोजनांमध्ये अँटी-ट्रॅकर, वेबकॅम संरक्षण, सुरक्षित बँकिंग आणि बरेच काही यासारख्या वैशिष्ट्यांचा समावेश आहे.