LinkedIn to Introduce Games on Platform : नोकरी शोधण्यासाठी वापरण्यात येणाऱ्या पोर्टल्समधील अग्रगण्य नाव म्हणजे लिंक्ड इन. जगभरातील एक बिलियनहून अधिक लोक याचा वापर करतात. आपल्या यूजर्सची एंगेजमेंट वाढवण्यासाठी आता लिंक्ड इनवर गेम्स इंट्रोड्यूस करण्यात येणार आहेत.
अ‍ॅप रिसर्चर निमा ओवजी यांनी याबाबत आपल्या एक्स हँडलवरुन याबाबत माहिती दिली आहे. लिंक्ड इन आपल्या अ‍ॅपमध्ये पझल गेम्स देण्याच्या तयारीत असल्याचं त्यांनी आपल्या पोस्टमध्ये म्हटलं आहे. वेगवेगळ्या कंपन्यांना आपल्या एम्प्लॉईजनी खेळलेल्या गेम्सच्या स्कोअरवरुन रेटिंग मिळणार आहे, असंही त्या म्हणाल्या.
टेक क्रंचने दिलेल्या रिपोर्टनुसार, लिंक्डइनच्या एका प्रवक्त्याने देखील याची पुष्टी केली आहे. अर्थात, निमा यांनी शेअर केलेले फोटो हे जुने असल्याचंही त्याने स्पष्ट केलं. रिपोर्टमध्ये दिलेल्या माहितीनुसार 'क्वीन्स', 'इनफरन्स' आणि 'क्रॉसक्लाईम्ब' असे गेम्स याठिकाणी पहायला मिळतील. या गेम्स कधी लाँच होतील याबाबत अधिकृत माहिती अद्याप समोर आलेली नाही.
"लिंक्ड इनवर आम्ही पझल गेम्स आणायचा विचार करत आहे. यामुळे अ‍ॅपवर आणखी मजा येईल. तसंच लोकांना एकमेकांशी बोलण्यासाठी संधी उपलब्ध होईल, आणि त्यांना आपलं नातं अधिक घट्ट करता येईल." असं या प्रवक्त्याने सांगितलं.
दरम्यान इन्स्टाग्राम या सोशल मीडिया अ‍ॅपवर देखील एक गेम लाँच करण्यात आली आहे. एखाद्या इनबॉक्समध्ये समोरच्या व्यक्तीला इमोजी पाठवून, त्यावर टॅप करून हा गेम खेळता येतो. अल्पावधीतच हा गेम भरपूर पॉप्युलर झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
