भारतातील सर्वात मोठी कार निर्माता कंपनी मारुती सुझुकी (Maruti Suzuki) ने आज आपल्या सर्वाधिक विकल्या जाणार्‍या हॅचबॅक बलेनोची फेसलिफ्ट (baleno facelift) आवृत्ती लॉन्च केली आहे. हे सेगमेंटमधील पहिले हेड-अप डिस्प्ले, सुझुकी कनेक्ट आणि 360 डिग्री व्ह्यू कॅमेरासह बाजारात आणण्यात आले आहे. 2022 बलेनोची सुरुवातीची किंमत 6.35 लाख रुपये (एक्स-शोरूम) आहे. ग्राहकांमध्ये या कारची क्रेझ इतकी आहे की कंपनीला आतापर्यंत 25000 हजार बुकिंग मिळाले आहेत. कंपनीचा दावा आहे की ते 22.9 kmpl चा मायलेज देईल.
10 लाखांहून अधिक युनिट्सची विक्री
ही कार बलेनो विकसित करण्यासाठी कंपनीने 1150 कोटींची गुंतवणूक केली आहे. बलेनो पहिल्यांदा भारतात 2015 मध्ये लॉन्च करण्यात आली होती. त्याची 102 देशांमध्ये निर्यातही केली जात आहे. कंपनीने आतापर्यंत 10 लाखांहून अधिक बॅलेनोची विक्री केली आहे. मारुती सुझुकीने भारतात सादर केलेली ही पहिली BSVI कार होती.
पाच कलर ऑप्शन्स
Nexa शोरूमला भेट देऊन Baleno 2022 Maruti Suzuki खरेदी केली जाऊ शकते. ही कार पाच वेगवेगळ्या कलर ऑप्शन्समध्ये येते. फेसलिफ्टेड बलेनोमध्ये 6 एअर-बॅग, अँटी-हिल कंट्रोल आणि अनेक सुरक्षा फीचर्स देखील आहेत. 2022 Baleno ला सुझुकी लोगो, DRL टेल लॅम्प आणि नवीन अलॉय व्हील्ससह एक मोठा फ्रंट ग्रिल देखील मिळतो.
Baleno 2022 मध्ये हेड-अप डिस्प्ले, 360-व्ह्यू कॅमेरा आणि नवीन 9-इंचाचा SmartPlay Pro+ इन्फोटेनमेंट सिस्टम दिली आहे. यात सुझुकी कनेक्ट अलेक्सा व्हॉइस सारखे फीचर्स देखील आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
