मार्व्हलची बहुप्रतिक्षित स्पायडर-मॅन 2 गेम अखेर रिलीज झाली आहे. एवढंच नाही, तर या गेमने इतिहास रचला आहे. रिलीजनंतर अवघ्या 24 तासांमध्ये या गेमच्या 2.5 मिलियन कॉपी विकल्या गेल्या आहेत. बिझनेस वायरने याबाबतचा रिपोर्ट प्रसिद्ध केला आहे.
यापूर्वी मार्व्हलच्या स्पायडर-मॅन (1) गेमने देखील अशाच प्रकारचा रेकॉर्ड केला होता. तीन दिवसांमध्ये या गेमच्या 3.3 कॉपीज विकल्या गेल्या होत्या. यानंतर हा रेकॉर्ड याच गेमच्या दुसऱ्या एडिशनने मोडला आहे. यानंतर स्पायडर-मॅन 2 ही गेम प्लेस्टेशनवर सर्वात वेगाने विक्री होणारी गेम झाली आहे.
यापूर्वी 'गॉड ऑफ वॉर' या गेमने एका दिवसात सर्वाधिक कॉपी विकण्याचा विक्रम केला होता. मात्र आता हा विक्रम स्पायडर-मॅन 2 च्या नावावर झाला आहे. विशेष म्हणजे ही गेम केवळ प्लेस्टेशन-5 वर लाँच करण्यात आली आहे. त्यामुळे प्लेस्टेशनने एक्स (ट्विटर) पोस्टच्या माध्यमातून सर्व गेमर्स आणि चाहत्यांचे आभार मानले आहेत.
मार्व्हलच्या पहिल्या स्पायडर-मॅन गेमच्या तुलनेत दुसरा भाग मोठा असल्याचं सांगितलं जातंय. गेमच्या मॅपमध्ये क्विन्स आणि ब्रूकलीन ही शहरं देखील जोडण्यात आली आहेत. यामुळे पीटर पार्कर आणि माईल्स मॉरेल्स या पात्रांना अधिक क्वेस्ट मिळणार आहेत. दोन स्पायडर-मॅन म्हणजे डबल मजा; असं गेमर्स म्हणत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
